ബൂമറാംഗ് എന്നാൽ എന്താണ് സർ; ഉദാഹരണവുമായി വി.ഡി സതീശൻ
- Published by:Aneesh Anirudhan
- news18
Last Updated:
പ്രതിപക്ഷ നേതാവിനെതിരെ ഉന്നയിച്ച ഫോൺ ആരോപണം അന്വേഷിക്കുമ്പോൾ കോടിയേരിയുടെ പഴയ സ്റ്റാഫിന്റെ പോക്കറ്റിലിരുന്ന് ഫോൺമണിയടിക്കും.
തിരുവനന്തപുരം: ഐ ഫോൺ ആരോപണത്തിൽ കോടിയേരിക്കെതിരെ പരിഹാസവുമായി വി.ഡി സതീശൻ എം.എൽ.എ. പ്രതിപക്ഷ നേതാവ് രമേശ് ചെന്നിത്തല വാർത്താ സമ്മേളനത്തിൽ ഉന്നയിച്ച ആരോപണത്തെ ബൂമറാഗിനോട് താരതമ്യപ്പെടുത്തിയാണ് സതീശന്റെ ഫേസ്ബുക്ക് കുറിപ്പ്. ബൂമറാംഗ് എന്നാൽ എന്താണ് സർ എന്ന് ചോദിച്ചാണ് സതീശന്റെ കുറിപ്പ് ആരംഭിക്കുന്നത്.
നമ്മൾ ഒരാൾക്കെതിരെ ഉപയോഗിക്കുന്ന ആയുധം തിരിച്ച് നമ്മുടെ നേരെ വരുന്നതിനെ എങ്ങനെ പറയാമെന്ന് ഉദാഹരസഹിതമാണ് സതീശൻ വിശദീകരിക്കുന്നത്.
ഫേസ്ബുക്ക് പോസ്റ്റ് പൂർണരൂപത്തിൽ
ബൂമറാംഗ് എന്നാൽ എന്താണ് സർ ? നമ്മൾ ഒരാൾക്കെതിരെ ഉപയോഗിക്കുന്ന ആയുധം തിരിച്ച് നമ്മുടെ നേരെ വരുന്നതിനെയും അങ്ങിനെ പറയാം.
ഉദാഹരണം:- പ്രതിപക്ഷ നേതാവിനെതിരെ ഉന്നയിച്ച ഫോൺ ആരോപണം അന്വേഷിക്കുമ്പോൾ കോടിയേരിയുടെ പഴയ സ്റ്റാഫിന്റെ പോക്കറ്റിലിരുന്ന് ഫോൺമണിയടിക്കും.
യു.എ.ഇ ദിനാഘോഷത്തിനിടെ നറുക്കെടുപ്പിൽ ഐ ഫോൺ കിട്ടിയവരുടെ ഫോട്ടോ രമേശ് ചെന്നിത്തല പുറത്തുവിട്ടിരുന്നു. ആഭ്യന്തരമന്ത്രിയായിരിക്കെ കോടിയേരി ബാലകൃഷ്ണന്റെ പേഴ്സണൽ സ്റ്റാഫ് അംഗമായിരുന്ന എ.പി രാജീവൻ അടക്കം മൂന്ന് പേർക്കാണ് ഫോൺ സമ്മാനമായി കിട്ടിയതെന്നും ചെന്നിത്തല ആരോപിച്ചിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
October 03, 2020 6:39 PM IST
