'കേരളത്തിന്റെ ആരോഗ്യമന്ത്രി അന്തവും കുന്തവുമില്ലാത്ത വ്യക്തി'; വീണാ ജോർജിനെ അധിക്ഷേപിച്ച് കെഎം ഷാജി

മന്ത്രി വീണ ജോർജിനെനതിരായ കെഎം ഷാജിയുടെ പ്രസ്താവനക്കെതിരെ പ്രതിഷേധവുമായി നേതാക്കൾ രംഗത്തെത്തി. ഷാജിയുടെ പ്രസ്താവന അപലപനീയമെന്ന് പി കെ ശ്രീമതി പറഞ്ഞു. ഷാജി മാപ്പ് പറയണമെന്നും പി കെ ശ്രീമതി ആവശ്യപ്പെട്ടു. വിമർശിക്കാൻ എല്ലാവർക്കും അധികാരം ഉണ്ടെങ്കിലും സ്ത്രീകളെ അധിക്ഷേപിച്ചല്ല വിമർശിക്കേണ്ടതെന്നും പി കെ ശ്രീമതി പറഞ്ഞു.

കെ എം ഷാജിക്കെതിരെ ഡിവൈഎഫ് ഐയും രംഗത്തെത്തി. ഷാജിയുടെ പ്രസ്താവന സ്ത്രീവിരുദ്ധവും പിന്തിരിപ്പൻ രാഷ്ട്രീയത്തിന്റെ ജീർണ്ണത വെളിവാക്കുന്നതുമെന്ന് ഡിവൈഎഫ്ഐ വിമർശിച്ചു. ഷാജി മാപ്പ് പറയണമെന്ന് എഐവൈഎഫ് ആവശ്യപ്പെട്ടു.