'മുസ്ലിം ലീഗിന്റെയും യുഡിഎഫിന്റെയും ശബ്ദം ഒന്ന്;വെള്ളാപ്പള്ളി വർഗീയപ്രചാരകരുടെ ഉപകരണമാകരുത്'; വിഡി സതീശൻ

എൻഎസ്എസിനെ എസ്എൻഡിപിയുമായി അകറ്റുന്നതിൽ മുസ്ലീം ലീഗിന് എന്ത് പങ്കാണുള്ളതെന്നും എന്തിനാണ് ലീഗിനെ ഇത്തരം വിവാദങ്ങളിലേക്ക് വലിച്ചിഴയ്ക്കുന്നതെന്നും പ്രതിപക്ഷ നേതാവ് വി.ഡി. സതീശൻ. എൻഎസ്എസ്-എസ്എൻഡിപി ബന്ധം തകർത്തത് മുസ്ലീം ലീഗാണെന്ന വെള്ളാപ്പള്ളി നടേശന്റെ ആരോപണത്തിന് മറുപടി നൽകുകയായിരുന്നു അദ്ദേഹം. തിരഞ്ഞെടുപ്പ് അടുക്കുമ്പോൾ സിപിഎമ്മും ബിജെപിയും നടത്തുന്ന വർഗീയ പ്രചാരണങ്ങളുടെ ഉപകരണമായി വെള്ളാപ്പള്ളി മാറരുതെന്ന് സതീശൻ പറഞ്ഞു. അദ്ദേഹത്തിന്റെ പ്രായത്തെയും വഹിക്കുന്ന സ്ഥാനത്തെയും മാനിച്ച് കൂടുതൽ മറുപടി പറയുന്നില്ലെന്നും അദ്ദേഹം കൂട്ടിച്ചേർത്തു.