'ജോലി നേടി 2.78 ലക്ഷം രൂപ സമ്പാദിച്ചതിലൂടെ വിദ്യ സര്‍ക്കാരിനെ ചതിച്ചു, ഉന്നത വിദ്യാഭ്യാസ മേഖലയെ കളങ്കപ്പെടുത്തി'; പോലീസ് റിപ്പോര്‍ട്ട്

തിരുവനന്തപുരം: വ്യാജ പ്രവൃത്തിപരിചയ സാക്ഷ്യപത്രം നൽകി അതിഥി അധ്യാപികയായി ജോലി നേടി 2,78,250 രൂപ സമ്പാദിച്ചതിലൂടെ വിദ്യ സർക്കാരിനെ ചതിച്ചെന്ന് പോലീസ് റിപ്പോർട്ട്. വ്യാജ പ്രവൃത്തിപരിചയ സാക്ഷ്യപത്രം നൽകി ഗവ കോളേജിൽ ജോലി നേടിയ വിദ്യ ഉന്നത വിദ്യാഭ്യാസ മേഖലയെ കളങ്കപ്പെടുത്തിയെന്നും റിപ്പോർട്ടിൽ പറയുന്നു. എറണാകുളം മഹാരാജാസ് പോലുള്ള ഏറ്റവും നല്ല നിലയിൽ പ്രവർത്തിക്കുന്ന കോളേജിനെ അപകീർത്തിപ്പെടുത്തുകയാണ് ചെയ്തതെന്നും പോലീസ് കോടതിയിൽ നൽകിയ റിപ്പോർട്ടിൽ പറയുന്നു. കഴിഞ്ഞ ദിവസം വിദ്യയുടെ ജാമ്യഹർജി പരിഗണിച്ച കോടതി പോലീസിനോട് എതിർപ്പ് ഹർജി ഹാജരാക്കണമെന്ന് ആവശ്യപ്പെട്ടിരുന്നു.