P C George | 'വര്ഗീയത പൊതുവേദികളില് പ്രചരിപ്പിക്കുന്ന പി സി ജോര്ജിനെതിരെ കേസെടുക്കണം'; വിമര്ശിച്ച് ഷാഫി പറമ്പിലും വി ടി ബല്റാമും
- Published by:Jayesh Krishnan
- news18-malayalam
Last Updated:
സാംക്രമിക രോഗമായി പടരാന് ആഗ്രഹിക്കുന്ന വര്ഗീയതയുടെ സഹവാസിയാണ് പി സി ജോര്ജ് എന്ന് ഷാഫി പറമ്പില്
തിരുവനന്തപുരം: മുസ്ലിം വിരുദ്ധവും വര്ഗീയവുമായ പ്രസംഗം നടത്തിയ മുന് എംഎല്എ പി സി ജോര്ജിനെതിരെ കടുത്ത വിമര്ശനങ്ങളുമായി കോണ്ഗ്രസ് നേതാക്കള്. ഷാഫി പറമ്പില്, വി ടി ബല്റാം എന്നിവരാണ് പി സി ജോര്ജിനെതിരെ രംഗത്തെത്തിയത്. ഹീനമായ വര്ഗീയത പൊതുവേദികളില് പ്രചരിപ്പിക്കുന്ന പി സി ജോര്ജിനെതിരെ നിയമാനുസരണം കേസെടുക്കാന് കേരളാ പൊലീസിന് എന്താണ് തടസമെന്ന് മനസ്സിലാവുന്നില്ലെന്ന് വി ടി ബല്റാം പറഞ്ഞു.
സാംക്രമിക രോഗമായി പടരാന് ആഗ്രഹിക്കുന്ന വര്ഗീയതയുടെ സഹവാസിയാണ് പി സി ജോര്ജ് എന്ന് ഷാഫി പറമ്പില് തുറന്നടിച്ചു.ഹിന്ദു മഹാപരിഷത്ത് തിരുവനന്തപുരത്ത് നടത്തിയ 'അനന്തപുരി ഹിന്ദു മഹാസമ്മേളനം' ഉദ്ഘാടനം ചെയ്യുമ്പോഴാണ് പി സി ജോര്ജ് വിവാദ പ്രസംഗം നടത്തിയത്.
പിസി ജോര്ജിനെതിരെ നടപടി ആവശ്യപ്പെട്ട് യൂത്ത് ലീഗ് ജനറല് സെക്രട്ടറി പി കെ ഫിറോസ് മുഖ്യമന്ത്രിയ്ക്കും ഡിജിപിയ്ക്കും പരാതി നല്കിയിരുന്നു. കച്ചവടം ചെയ്യുന്ന മുസ്ലീങ്ങള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വം കലര്ത്തുന്നു, ജനസംഖ്യ വര്ധിപ്പിച്ച് മുസ്ലീം രാജ്യമാക്കാന് ശ്രമിക്കുന്നു.,പുരോഹിതര് ഭക്ഷണത്തില് തുപ്പിയ ശേഷം വിതരണം ചെയ്യുന്നു എന്നിങ്ങനെയായിരുന്നു പിസി ജോര്ജ് ആരോപണങ്ങള് ഉന്നയിച്ചത്.
advertisement
വി ടി ബല്റാമിന്റെ ഫേസ്ബുക്ക് പോസ്റ്റ്
സ്ഥിരമായി അങ്ങേയറ്റത്തെ ഹീനമായ വര്ഗീയത പൊതുവേദികളില് പ്രചരിപ്പിക്കുന്ന പി.സി. ജോര്ജിനെതിരെ നിയമാനുസരണം കേസെടുക്കാന് കേരളാ പോലീസിന് എന്താണ് തടസ്സം എന്നു മനസ്സിലാവുന്നില്ല. എന്തു അടവുനയത്തിന്റെ ഭാഗമാണെങ്കിലും ശരി, ഈ നിലയില് അപകടകരമായ വെറുപ്പ് വളര്ത്തുന്നവര്ക്കു മുന്പില് ആഭ്യന്തര വകുപ്പ് ഇനിയും കയ്യും കെട്ടി നോക്കി നില്ക്കുകയാണെങ്കില് കേരളത്തില് അതിന്റെ പ്രത്യാഘാതം ഭയാനകമായിരിക്കും. ആ പ്രസംഗത്തിന്റെ വിഡിയോ ഈ വാളില് ഇട്ട് കൂടുതല് പ്രചാരം നല്കേണ്ടെന്ന തീരുമാനപ്രകാരമാണ് ഒഴിവാക്കുന്നത്.
advertisement
ഷാഫി പറമ്പിലിന്റെ ഫേസ്ബുക്ക് പോസ്റ്റ്
തമ്മിലടിപ്പിക്കല് ശ്വാസവായുവും തൊഴിലുമാക്കിയ പി സി ജോര്ജ്ജിനെ കേസെടുത്ത് ജയിലിലിടാന് പോലീസ് തയ്യാറാകണം. സാംക്രമിക രോഗമായി പടരാന് ആഗ്രഹിക്കുന്ന വര്ഗ്ഗീയതയുടെ സഹവാസിയാണ് പി സി ജോര്ജ്ജ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 30, 2022 1:31 PM IST
മലയാളം വാർത്തകൾ/ വാർത്ത/Kerala/
P C George | 'വര്ഗീയത പൊതുവേദികളില് പ്രചരിപ്പിക്കുന്ന പി സി ജോര്ജിനെതിരെ കേസെടുക്കണം'; വിമര്ശിച്ച് ഷാഫി പറമ്പിലും വി ടി ബല്റാമും
