BREAKING: തിരുവല്ലയിൽ യുവാവ് നടുറോഡിൽ തീകൊളുത്തിയ പെൺകുട്ടി മരിച്ചു

കൊച്ചി: തിരുവല്ലയിൽ യുവാവ് തീകൊളുത്തി കൊലപ്പെടുത്താൻ ശ്രമിച്ച പെൺകുട്ടി മരിച്ചു. കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. 50 ശതമാനത്തിലേറെ പൊള്ളലേറ്റ പെൺകുട്ടിയെ വെന്‍റിലേറ്ററിന്‍റെ സഹായത്തോടെയാണ് ചികിത്സിച്ചിരുന്നത്. ഇന്ന് വൈകുന്നേരത്തോടെ നില വഷളാകുകയും മരണം സംഭവിക്കുകയുമായിരുന്നു. തീകൊളുത്തുന്നതിന് മുമ്പ് പെൺകുട്ടിയെ യുവാവ് കുത്തി പരുക്കേൽപ്പിക്കുകയും ചെയ്തിരുന്നു. പോസ്റ്റ്മോർട്ടത്തിനു ശേഷം മൃതദേഹം നാളെ ബന്ധുക്കൾക്ക് വിട്ടുനൽകും.