'ജോജുവിന്റെ കീച്ചി പാപ്പൻ വന്നാലും രോമത്തിൽ തൊടില്ല'; 'പണി' വിവാദത്തിൽ യൂത്ത് കോൺഗ്രസ് വൈസ് പ്രസിഡന്‍റ്   

പണി സിനിമയുടെ റിവ്യു വിവാദത്തിൽ ജോജു ജോർജിനെതിരെ യൂത്ത് കോൺഗ്രസ് സംസ്ഥാന വൈസ് പ്രസിഡന്‍റ് അബിൻ വർക്കി രംഗത്ത്.ജോജു അല്ല ജോജുവിന്റെ കീച്ചിപാപ്പൻ വന്നാലും ആദർശ് എന്ന ചെറുപ്പക്കാരന്റെ രോമത്തിൽ തൊടാൻ സാധിക്കില്ലെന്നും അനുവദിക്കുകയും ഇല്ലെന്നും അബിൻ വർക്കി സമൂഹമാധ്യമമായ ഇൻസ്റ്റ ഗ്രാമിൽ പങ്കുവച്ച പോസ്റ്റിൽ പറഞ്ഞു. താൻ വിമർശനങ്ങൾക്ക് അതീതനായിരിക്കും എന്ന് പറയാൻ ജോജു ഈദി അമീനോ കേരളം ഉഗാണ്ടയോ അല്ല. ജോജു എന്നല്ല ഈ രാജ്യം ഭരിക്കുന്ന ഭരണാധികാരികളെ വരെ മുഖത്ത് വിരൽ ചൂണ്ടി വിമർശിക്കാൻ അനുവദിക്കുന്ന ഭരണഘടനയും നിയമവുമുള്ള ഇന്ത്യ രാജ്യത്ത് ജോജുവിനെ പോലുള്ള അൽപ്പന്മാർ എത്ര ഓലിയിട്ടാലും മുഖത്ത് നോക്കി കൈവിരൽ ചൂണ്ടി വിമർശിക്കുക തന്നെ ചെയ്യുമെന്നും ഇൻസ്റ്റാഗ്രാം കുറിപ്പിൽ പറയുന്നു.