ആംആദ്മി പാർട്ടിയൊട് ഡൽഹി ഹൈക്കോടതിക്ക് അനുവദിച്ച ഭൂമിയിൽ നിന്ന് ഓഫീസ് മാറ്റണമെന്ന് സുപ്രീംകോടതി

ഡൽഹി ഹൈക്കോടതിയ്ക്ക് അടിസ്ഥാന സൗകര്യ വികസനത്തിനായി അനുവദിച്ച ഭൂമി ആം ആദ്മി പാർട്ടി (എഎപി) അനധികൃതമായി കയ്യേറിയതിൽ സുപ്രീംകോടതി അതൃപ്തി രേഖപ്പെടുത്തി. ഒരു രാഷ്ട്രീയ പാർട്ടിക്ക് എങ്ങനെ ആ ഭൂമി കൈവശം വയ്ക്കാൻ കഴിയും എന്നും ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ മൂന്നംഗ ബെഞ്ച് ചോദിച്ചു. പൊതുജനങ്ങൾക്ക് വേണ്ടിയാണ് ഹൈക്കോടതിയ്ക്കായി ഭൂമി അനുവദിച്ചതെന്നും സുപ്രീം കോടതി വ്യക്തമാക്കി. കൂടാതെ ഭൂമി കൈവശപ്പെടുത്താൻ പോയ ഡൽഹി ഹൈക്കോടതി ഉദ്യോഗസ്ഥരെ എഎപി പ്രവർത്തകർ തടഞ്ഞുവെന്ന് അഭിഭാഷകൻ കെ പരമേശ്വർ കോടതിയിൽ ആരോപിച്ചു.