Monkey branching | കുരങ്ങന്‍ മരം ചാടുന്നത് പോലെ മാറുന്ന പുതു തലമുറ ബന്ധങ്ങള്‍; അറിയുമോ ജെന്‍ സീയുടെ 'മങ്കി ബ്രാഞ്ചിംഗ്'?

ദീര്‍ഘകാലം തുടരുന്ന സ്‌നേഹബന്ധങ്ങളാണ് നിലനില്‍പ്പിന് ആധാരമെന്നാണ് നാം കരുതുണ്ട്. എന്നാല്‍ പൊരുത്തക്കേടുകള്‍ മൂലം ചിലര്‍ക്കെങ്കിലും സ്‌നേഹബന്ധങ്ങള്‍ തുടരാന്‍ കഴിഞ്ഞേക്കില്ല. എന്നാല്‍ ഒരു ബന്ധത്തില്‍ നിന്ന് ഉടന്‍ തന്നെ പുതിയതിലേക്ക് 'ചാടുന്ന' പുതുതലമുറയും നമ്മുടെ ഇടയിലുണ്ട്. ഒരു സ്നേഹബന്ധം നിലനിൽക്കേ തന്നെ വളരെ കുറഞ്ഞ സമയത്തിനുള്ളില്‍ മറ്റൊന്നിലേക്ക് ചായുന്ന ബന്ധമാണിത്. ഇത്തരത്തിലുള്ള സ്‌നേഹബന്ധത്തെ 'മങ്കി ബാരിംഗ്' അല്ലെങ്കില്‍ 'മങ്കി ബ്രാഞ്ചിംഗ്' എന്നാണ് വിദഗ്ധര്‍ വിളിക്കുന്നത്. ഇത് സ്‌നേഹബന്ധങ്ങളില്‍ കരുതുന്നതിനേക്കാള്‍ ദോഷമുണ്ടാക്കുമെന്ന് വിദഗ്ധര്‍ വ്യക്തമാക്കുന്നു. പൊതുവേ ജെൻ സീ തലമുറയ്ക്കിടയിലാണ് ഇത്തരമൊരു ബന്ധം നിലനിൽക്കുന്നതെന്ന് റിപ്പോർട്ടുകളിൽ പറയുന്നു.