World Menstrual Hygiene Day 2021 | വിശേഷ ദിവസത്തിന്റെ പ്രമേയവും പ്രാധാന്യവും ഉദ്ധരണികളും

ആർത്തവവുമായി ബന്ധപ്പെട്ടുള്ള തെറ്റായ ധാരണകൾ അകറ്റി ആർത്തവ ശുചിത്വത്തിന്റെ പ്രാധാന്യം മനസിലാക്കി നൽകേണ്ടത് ആവശ്യമാണ്. ഇതിനായി ചുവടെയുള്ള ആർത്തവസംബന്ധമായ ഉദ്ധരണികൾ നമുക്ക് ചുറ്റുമുള്ള മറ്റുള്ളവരിലേക്ക് എത്തിക്കാവുന്നതാണ്.

'ആർത്തവം എന്നത് ഒരു പ്രശ്നമല്ല. എന്നാൽ, ആർത്തവശുചിത്വം പാലിക്കാത്തത് പ്രശ്നങ്ങൾക്ക് ഇടയാക്കും. ലോക ആർത്തവശുചിത്വ ദിനം മുന്നോട്ട് വെക്കുന്നത് ഈ സന്ദേശമാണ്.'

'വർഷത്തിൽ 12 ആഴ്ച്ച എന്നിൽ രക്തസ്രാവം ഉണ്ടാകുന്നു. അതിനാൽ രക്തക്കറയെക്കുറിച്ച് ഒന്നോ രണ്ടോ കാര്യങ്ങൾ എനിക്ക് അറിയാം.'

'സാധാരണ പെൺകുട്ടികളെപ്പോലെ എനിക്കും ഇപ്പോൾ ആർത്തവമുണ്ട്. അതറിയുന്ന ഒരാളാണ് ഞാനും. കാലുകൾക്ക് ഇടയിൽ വച്ച രക്തത്തിൽ കുതിർന്ന പാഡ് ഉപയോഗിച്ച് വോളിബോൾ ഗെയിമുകളിൽ ഇരിക്കാനും വേദന സംഹാരികൾക്കായി നഴ്സിന്റെ അടുത്ത് പോകാനും, ഹാളിലൂടെ നടക്കാനും എനിക്ക് ആകും.'

'ഒരു മാസത്തെ 25 ദിവസം മനുഷ്യനായും മറ്റ് അഞ്ചുദിവസം ഉരുക്ക് കെണിയിൽ പെട്ട മൃഗത്തെപോലെയാണെന്നും മനസിലാക്കിയതോടെ എന്റെ സമയത്തെക്കുറിച്ചുള്ള കാഴ്ച്ചപ്പാടുകൾ പതിയെ മാറി തുടങ്ങി.'

'പോളിയോയേക്കാർ ഭീകരമാണ് ആർത്തവശുചിത്വത്തിലെ കുറവ് കൊണ്ടുണ്ടാകുന്ന പ്രശ്നങ്ങൾ'

'പെൺകുട്ടികളെ ശാക്തീകരിക്കാൻ അവൾ സ്ത്രീയാകുന്നത് വരെ കാത്തു നിൽക്കേണ്ടില്ല. സാനിറ്ററി പാഡുകൾ നൽകി പെൺകുട്ടികളുടെ ജീവിതത്തെ ശാക്തീകരിക്കാം. പാഡുകളിലൂടെ ചിറകുകളാണ് നാം അവർക്ക് നൽകുന്നത്.'

ആർത്തവം എന്നത് പെൺ ശരീരത്തിലെ സ്വാഭാവികമായ പ്രക്രിയയയാണ്. തെറ്റായ പല ധാരണകളും സമൂഹത്തിൽ ആർത്തവവുമായി ബന്ധപ്പെട്ട് നിലനിൽക്കുന്നുണ്ട്. ആർത്തവസമയത്ത് ശുചിത്വത്തിന് വലിയ പ്രാധാന്യമുണ്ട്. എന്നാൽ ഇക്കാര്യത്തെക്കുറിച്ച് പലർക്കും കൃത്യമായ അറിവില്ല. ആർത്തവശുചിത്വം പാലിക്കുന്നത് സംബന്ധിച്ച് ബോധവൽക്കരണം നടത്തുകയും സമൂഹത്തിലെ എല്ലാ തലങ്ങളിലും ഉൾപ്പടുന്ന സ്ത്രീകൾക്ക് നൂതനമായ സാനിറ്ററി ഉത്പന്നങ്ങളും സേവനങ്ങളും ലഭ്യക്കുകയും ചെയ്യുക എന്നതാണ് ഈ സാഹചര്യത്തിന് ഒരു മാറ്റമുണ്ടാകണമെങ്കിൽ ആദ്യം ചെയ്യേണ്ടത്.

ഈ പ്രശ്നത്തെ അഭിമുഖീകരിക്കാൻ നയസംബന്ധിയായ വിഷയങ്ങളിൽ സർക്കാരും മറ്റു സാമൂഹ്യ സംഘടനകളും മുൻകൈ എടുക്കുമ്പോൾ ചില കമ്പനികൾ സവിശേഷമായ ചില ഉത്പന്നങ്ങൾ വിപണിയിൽ അവതരിപ്പിച്ചു കൊണ്ട് തങ്ങളുടേതായ നിലയിലുള്ള സംഭാവനകൾ നൽകുന്നു.

സാനിറ്ററി മാലിന്യങ്ങൾ കുറയ്ക്കാൻ സഹായിക്കുന്ന മെൻസ്ട്രുവൽ കപ്പ്, അസ്വസ്ഥതകളും പാർശ്വഫലങ്ങളും അകറ്റുന്ന ഹെർബൽ പെയ്ൻ പാച്ച്, തുടകളിൽ ഉണ്ടാകുന്ന പാടുകൾ നീക്കം ചെയ്യുന്ന ആന്റി-ചേഫിങ് റാഷ് ക്രീം തുടങ്ങിയവ ഇക്കാലത്ത് ആർത്തവകാലം സുഗമമാക്കാൻ സ്ത്രീകളെ പ്രാപ്തരാക്കുന്ന ചില ഉത്പന്നങ്ങളാണ്.