മാങ്ങാ കഴിച്ചാൽ രക്തത്തിലെ പഞ്ചസാരയുടെ അളവും ശരീരഭാരവും വര്‍ധിക്കുമോ?

മാമ്പഴത്തില്‍ പഞ്ചസാരയുടെ അളവ് വളരെയധികമാണെന്നും ഇത് കഴിക്കുമ്പോള്‍ രക്തത്തിലെ പഞ്ചസാരയുടെ അളവ് വര്‍ധിക്കുമെന്നതാണ് അതില്‍ പ്രധാനപ്പെട്ടത്. പ്രമേഹം പോലുള്ള രോഗാവസ്ഥയില്‍ ഉള്ളവര്‍ക്ക് മാമ്പഴം കഴിക്കുന്നത് നല്ലതല്ലെന്നുള്ള ധാരണ പൊതുവേ സമൂഹത്തിലുണ്ട്. എന്നാല്‍, പ്രകൃതിദത്ത മധുരങ്ങളായ ഗ്ലൂക്കോസും ഫ്രക്ടോസുമാണ് മാമ്പഴത്തില്‍ അടങ്ങിയിരിക്കുന്നത്. ഇവയ്ക്ക് വളരെ കുറഞ്ഞ ഗ്ലൈസീമിക് ഇന്‍ഡക്‌സ്(ജിഐ) ആണ് ഉള്ളത്. ജിഐ വളരെ കുറഞ്ഞ ഭക്ഷണങ്ങള്‍ വളരെ പതുക്കെയായിരിക്കും ദഹിക്കുകയും ആഗിരണം ചെയ്യപ്പെടുകയും ചെയ്യുക. രക്തത്തിലെ പഞ്ചസാരയുടെ അളവ് ക്രമാനുഗതമായി വര്‍ധിപ്പിക്കാനേ ഇവയ്ക്ക് കഴിയൂ.

മാമ്പഴം കഴിക്കുന്നത് രക്തത്തിലെ പഞ്ചസാരയുടെ അളവ് ക്രമീകരിക്കുന്നതിന് സഹായിക്കുമെന്ന് ന്യൂട്രിയന്റസ് എന്ന ജേണലില്‍ പ്രസിദ്ധീകരിച്ച പഠനത്തില്‍ പറയുന്നു.

ഇതിനുമപ്പുറം മാമ്പഴത്തിലടങ്ങിയിരിക്കുന്ന ദഹനത്തിന് സഹായിക്കുന്ന നാരുകള്‍, വിറ്റാമിനുകള്‍, ആന്റിഓക്‌സിഡന്റുകള്‍ എന്നിവയെല്ലാം ശരീരഭാരം നിയന്ത്രിക്കാന്‍ സഹായിക്കുന്നവയാണ്. മാമ്പഴത്തിലെ നാരുകള്‍ വേഗത്തില്‍ വയര്‍ നിറയുന്നതുപോലെ തോന്നിപ്പിക്കുന്നതിനാല്‍ അമിതമായി കഴിക്കുന്നത് തടയുകയും ചെയ്യുന്നു.

അതേസമയം, പഞ്ചസാര ചേര്‍ത്ത മാമ്പഴ പാനീയങ്ങള്‍ ഒഴിവാക്കാന്‍ ശ്രമിക്കണം. ഇത്തരം പാനീയങ്ങളില്‍ വളരെയധികം കലോറി അടങ്ങിയിട്ടുണ്ട്. കൂടാതെ, മധുരവും അധികമായിരിക്കും. അത് ആരോഗ്യത്തെ ദോഷകരമായി ബാധിക്കുകയും ചെയ്യും.