ലൈംഗികതയോട് താത്പര്യക്കുറവുണ്ടോ? പുരുഷൻമാർക്ക് ആയുസ് കുറഞ്ഞേക്കാമെന്ന് ജാപ്പനീസ് ​ഗവേഷകർ

യമഗത സർവകലാശാലയിലെ ഗവേഷക സംഘമാണ് പഠനം നടത്തിയത്. ​ഗവേഷണത്തിന്റെ ആരംഭത്തിൽ ഒരു ചോദ്യാവലി നൽകിയിരുന്നു. വർഷങ്ങൾക്കുശേഷം ഒരു തുടർ സർവേ നടത്തുകയും ചെയ്തു. ഇതിനിടെ, ​ഗവേഷണത്തിനായി തിരഞ്ഞെടുത്ത 20,969 ആളുകളിൽ 503 പേർ മരിച്ചിരുന്നു.

ലൈംഗികതയോട് താൽപ്പര്യക്കുറവ് ഉള്ള പുരുഷന്മാരിൽ കാൻസർ മരണനിരക്കും മറ്റ് രോ​ഗങ്ങൾ മൂലമുള്ള മരണനിരക്കും കൂടുതലാണെന്നും ഗവേഷകർ കണ്ടെത്തി.

ലൈംഗിക പ്രവർത്തികളും ലൈംഗിക സംതൃപ്തിയും പ്രായമായവരുടെ മാനസിക ആരോഗ്യവുമായും ശാരീരിക ആരോ​ഗ്യവുമായും ബന്ധപ്പെട്ടിരിക്കുന്നതായും പഠനം കണ്ടെത്തി. മനുഷ്യരുടെ ലൈംഗിക താത്പര്യവും ആയുസും തമ്മിലുള്ള ബന്ധം സംബന്ധിച്ച് ഇതുവരെ പഠനങ്ങളൊന്നും നടന്നിട്ടില്ലെന്നും ഇത്തരത്തിലുള്ള ആദ്യത്തെ പഠനമാണ് ഇതെന്നും യമഗത സർവകലാശാലയിലെ ഗവേഷകർ ചൂണ്ടിക്കാട്ടി.

Also Read- തേനീച്ചകൾക്കായുള്ള ലോകത്തിലെ ആദ്യ വാക്സിന് അമേരിക്ക അംഗീകാരം നൽകി; കർഷകർക്ക് ആശ്വാസം

പുരുഷന്മാരേക്കാൾ സ്ത്രീകളിലാണ് ലൈംഗികതയോട് താത്പര്യക്കുറവ് കാണുന്നതെന്നും പഠനം കണ്ടെത്തി. പക്ഷേ, പുരുഷൻമാരെ അപേക്ഷിച്ച് സ്ത്രീകളിൽ ഇത് വലിയ തോതിലുള്ള മരണനിരക്കിന് കാരണമാകുന്നില്ല എന്നാണ് പഠനം കണ്ടെത്തിയതെന്നും ​ഗവേഷകർ പറയുന്നു.

പുരുഷന്മാർക്കിടയിലെ ലൈംഗിക താൽപര്യക്കുറവ് അനാരോഗ്യകരമായ ജീവിതശൈലിയുമായും ബന്ധപ്പെട്ടിരിക്കാമെന്ന് ശാസ്ത്രജ്ഞർ പറയുന്നു. ലൈംഗിക താത്പര്യം ചില മനഃശാസ്ത്രപരമായ ഘടകങ്ങളുമായി ബന്ധപ്പെട്ടിരിക്കുന്നു എന്നും ​ഗവേഷകർ ‌ചൂണ്ടിക്കാട്ടി. ”ഇതേക്കുറിച്ച് കൂടുതൽ വിവരങ്ങൾ മനസിലാക്കാൻ ഇനിയും നിരവധി ഗവേഷണങ്ങൾ ആവശ്യമായി വരും, എന്നാൽ ഇതുപോലൊരു കണ്ടെത്തൽ നടത്തുക എന്നത് വളരെ പ്രധാനപ്പെട്ട കാര്യമാണ്”, എന്നും ഗവേഷകർ കൂട്ടിച്ചേർത്തു.

തങ്ങളുടെ പഠനത്തിൽ ചില പരിമിതികൾ ഉണ്ടായിരുന്നു എന്നും ​ഗവേഷകർ ചൂണ്ടിക്കാണിക്കുന്നു. അടിസ്ഥാന ചോദ്യാവലിയിലെ ഒരൊറ്റ ചോദ്യത്തിൽ നിന്നാണ് ഒരു വ്യക്തിയുടെ ലൈംഗിക താത്പര്യം മനസിലാക്കിയത്. “എതിർലിംഗത്തിലുള്ളവരോട് നിങ്ങൾക്ക് എന്തെങ്കിലും ലൈം​ഗിക താത്പര്യം തോന്നാറുണ്ടോ എന്നതായിരുന്നു ചോദ്യം. ഒരേ ലിംഗത്തിൽ പെട്ടവരോട് ആകർഷണം തോന്നുന്നവർക്ക് ഈ ചോദ്യത്തിന് കൃത്യമായി ഉത്തരം നൽകാനാകില്ല.

തങ്ങളുടെ സാമ്പിളിൽ, LGBTQ കമ്യൂണിറ്റിയിൽ പെട്ട ഏകദേശം 200 പേർ ഉണ്ടായിരുന്നു എന്നും ഗവേഷകർ പറഞ്ഞു. ഈ പഠനത്തിലെ ചില ചോദ്യങ്ങൾക്ക് ഉത്തരം നൽ‌കാൻ അവർക്ക് ചില പരിമിതികൾ ഉണ്ടായിരുന്നു. ഇത് കണക്കിലെടുത്ത് ഭാവിയിൽ ഈ വിഷയത്തിൽ കൂടുതൽ പഠനങ്ങൾ നടക്കണമെന്നും ​ഗവേഷകർ പറഞ്ഞു.

Also Read- സംസാരിക്കുമ്പോൾ തലയാട്ടാറുണ്ടോ? ഇന്ത്യക്കാരുടെ ഈ ശീലത്തിന് പിന്നിലെ കാരണങ്ങൾ

പഠനത്തിൽ പല പരിമിതികളും ഉണ്ടായിരുന്നെങ്കിലും ജപ്പാനിലെ പ്രായമായവരുടെ ആരോ​ഗ്യത്തിൽ ലൈംഗിക താത്പര്യത്തിനുള്ള പങ്കിനെക്കുറിച്ച് ജനങ്ങൾക്കിടയിൽ അവബോധം വളർത്തണമെന്ന് ഗവേഷകർ പറയുന്നു. പാശ്ചാത്യലോകത്തെ അപേക്ഷിച്ച് ജപ്പാനിലെ വയോജനങ്ങൾക്കിടയിവ്‍ ലൈംഗികതയെക്കുറിച്ച് ചില മുൻവിധികളുണ്ടെന്നും ​അവർ ചൂണ്ടിക്കാട്ടി. പൊതുജനാരോഗ്യത്തിൽ ഞങ്ങളുടെ കണ്ടെത്തലുകൾ സഹായകരമാകുമെന്നാണ് പ്രതീക്ഷിക്കുന്നതെന്നും ​ഗവേഷകർ പറഞ്ഞു.