ഡോക്ടറുടെ നിർദേശമില്ലാതെ വിറ്റാമിൻ ഗുളിക ആവശ്യത്തിലേറെ കഴിച്ചാൽ എന്ത് സംഭവിക്കും?

നമ്മുടെ ശരീരം നന്നായി പ്രവർത്തിക്കാൻ വിറ്റാമിനുകൾ ആവശ്യമാണ്. ഭക്ഷണത്തിൽ നിന്ന് ശരിയായ അളവിൽ വിറ്റാമിനുകൾ ലഭിക്കാതെ വരുമ്പോഴാണ്, ഡോക്ടർമാർ സപ്ലിമെന്‍റുകൾ നിർദേശിക്കാറുള്ളത്. എന്നാൽ, ഡോക്ടറുടെ നിർദേശമനുസരിച്ച് അല്ലാതെ സ്വന്തമായി വിറ്റാമിൻ ഗുളിക വാങ്ങി കഴിക്കുന്നത് ചിലപ്പോഴെങ്കിലും ഗുണത്തേക്കാളേറെ ദോഷം ചെയ്യും. ഇവയിൽ മിക്കവയും ഡോക്ടറുടെ കുറിപ്പടി ഇല്ലാതെ വാങ്ങാനാകും. വൈറ്റമിൻ ബി, കെ, ഡി, ബി 12, ബയോട്ടിൻ, സിങ്ക്, മഗ്നീഷ്യം എന്നിവയും ഡോക്ടറുടെ കുറിപ്പടി ആവശ്യമില്ലാത്ത ധാരാളം സപ്ലിമെന്റുകളും ലഭ്യമാണ്. എന്നാൽ ഇത്തരത്തിൽ സ്വയം വാങ്ങി കഴിക്കുമ്പോൾ അളവ് ഏറിയാൽ ഗുരുതരമായ ആരോഗ്യപ്രശ്നങ്ങൾക്ക് ഇടയാക്കും.