Heart Attack | ചെറുപ്പക്കാരിൽ ഹാർട്ട് അറ്റാക്ക് കൂടുന്നതിന് കാരണങ്ങൾ

ലോകത്ത് ഏറ്റവുമധികം ആളുകൾ മരിക്കുന്നതിന് കാരണമാകുന്ന ആരോഗ്യപ്രശ്നമാണ് ഹൃദയാഘാതം അഥവാ ഹാർട്ട് അറ്റാക്ക്. ലോകാരോഗ്യ സംഘടനയുടെ കണക്കനുസരിച്ച് ഓരോ വർഷവും 17.9 ദശലക്ഷം പേർ ഹാർട്ട് അറ്റാക്ക് കാരണം മരണമടയുന്നു. ഹൃദയ രോഗങ്ങൾ (കാർഡിയോ വാസ്കുലർ ഡിസീസ്- സിവിഡി) ആണ് ആഗോളതലത്തിൽ മനുഷ്യരുടെ മരണ കാരണത്തിൽ ഒന്നാമത്. സിവിഡി മരണങ്ങളിൽ അഞ്ചിൽ നാലെണ്ണം ഹൃദയാഘാതം മൂലമാണ്. ഇതിൽ മൂന്നിലൊന്ന് മരണവും 70 വയസ്സിന് താഴെയുള്ളവരിലാണ് സംഭവിക്കുന്നതെന്ന് യുഎൻ ആരോഗ്യ ഏജൻസി വ്യക്തമാക്കുന്നു. അമേരിക്കൻ കോളേജ് ഓഫ് കാർഡിയോളജിയുടെ 2019 ലെ കോൺഫറൻസിൽ ചെറുപ്പക്കാരിലും (40-50 വയസ്സ്) വളരെ ചെറുപ്പമുള്ളവരിലും (40 വയസിന് താഴെ) ഹൃദയാഘാതമുണ്ടാകുന്ന പ്രവണത കൂടുതലാണെന്ന് വ്യക്തമാക്കുന്നുണ്ട്. 40 വയസ്സിന് താഴെയുള്ള മുതിർന്നവരുടെ അനുപാതം കഴിഞ്ഞ 10 വർഷമായി രണ്ട് ശതമാനം വർദ്ധിച്ചു. എന്തുകൊണ്ടാണ് ചെറുപ്പക്കാർ പെട്ടെന്ന് ഹൃദയാഘാതത്തിന് ഇരയാകുന്നത്?