കുമാർ സാനുവുമായുള്ള 27 വര്‍ഷത്തെ തന്റെ രഹസ്യബന്ധത്തെക്കുറിച്ച് നടി; ബന്ധത്തില്‍ സത്യസന്ധതയ്ക്ക് എന്ത് പ്രധാന്യം?

ബിഗ് ബോസ് 19ന്റെ ഏറ്റവും പുതിയ എപ്പിസോഡില്‍ നടി കുനികാ സദാനന്ദ് തന്റെ ജീവിതത്തിലെ പതിറ്റാണ്ടുകളോളം മറച്ചുവെച്ച ഒരു രഹസ്യബന്ധത്തെക്കുറിച്ച് തുറന്ന് പറഞ്ഞത് ചര്‍ച്ചയായിരുന്നു. ''27 വര്‍ഷത്തോളം ഞാന്‍ എന്റെ ബന്ധം രഹസ്യമാക്കിവെച്ചു. അതിനെക്കുറിച്ച് ആരോടും പറഞ്ഞില്ല. ഇപ്പോള്‍ അതിനെക്കുറിച്ച് ഞാന്‍ സംസാരിക്കുകയാണ്. അദ്ദേഹം വിവാഹിതനായ ഒരു വ്യക്തിയായിരുന്നു. എന്നാല്‍ പിന്നീട് ഭാര്യയില്‍ നിന്ന് വേര്‍പിരിഞ്ഞു. ഞങ്ങള്‍ ലിവ് ഇന്‍ റിലേഷന്‍ഷിപ്പിലായിരുന്നു,'' സഹമത്സരാര്‍ത്ഥികളായ നീലം ഗിരിയോടും തന്യ മിത്തലിനോടും കുനിക പറഞ്ഞു. ഗായകന്‍ കുമാര്‍ സാനുവുമായുള്ള ബന്ധത്തെക്കുറിച്ചാണ് കുനിക പറഞ്ഞതെന്ന് ചില റിപ്പോര്‍ട്ടുകള്‍ വ്യക്തമാക്കി.