പരമശിവന്റെയും ഗംഗാദേവിയുടെയും വിവാഹത്തിന് ഗോകർണം ഒരുങ്ങി; ആഘോഷത്തിന് പിന്നിലെ ഐതിഹ്യം

കർണാടകയിലെ ചെറു പട്ടണമായ ഗോകര്‍ണം വിനോദസഞ്ചാരികളുടെയും തീർത്ഥാടകരുടെയും പ്രിയ ഇടമാണ്. ഇവിടെ സ്ഥിതിചെയ്യുന്ന മഹാബലേശ്വര ക്ഷേത്രം ഏറെ പ്രസിദ്ധമാണ്. ഇതൊരു ശിവക്ഷേത്രമാണ്. അടുത്തിടെ ദൈവങ്ങൾ തമ്മിലുള്ള വിവാഹത്തിനായി ഇവിടെ ഭക്തർ ഒത്തുചേരുന്നതും തയ്യാറെടുക്കുന്നതുമായി ബന്ധപ്പെട്ട് വീണ്ടും ഈ നഗരം വാർത്തകളിൽ നിറഞ്ഞിരിക്കുകയാണ്. കാരണം ഇത്തരം ഒരു ആചാരം പലരെയും ആശ്ചര്യപ്പെടുത്തിയിരിക്കുകയാണ്. പരമശിവന്റെയും ഗംഗാദേവിയുടെയും സംഗമത്തിനായി അതിഗംഭീരമായ ഒരുക്കങ്ങളാണ് ഗോകർണത്തിൽ ഭക്തർ സജ്ജീകരിക്കുന്നത്.