Sabarimala| ശബരി​മല നടതുറന്നു; ഇന്ന് ഉത്രാടസദ്യ

Also Read- തിരുവാതിര കളിച്ച് എസ്ഐ ഉൾപ്പെടെയുള്ള പുരുഷ പൊലീസുകാർ; കൊടുങ്ങല്ലൂർ സ്റ്റേഷനിലെ അടിപൊളി ഓണാഘോഷം വൈറൽ

ശബരിമലയില്‍ ഇന്ന് ഉത്രാടസദ്യ നടക്കും. മേൽശാന്തി കെ ജയരാമൻ നമ്പൂതിരിയുടെ വകയായിട്ടാണ് സദ്യ സമർപ്പി​ക്കുന്നത്. പതിവ് പൂജകൾക്കും അഭിഷേകത്തിനും ശേഷം രാവിലെ 10.30ന് സന്നിധാനത്തെ തെക്കേ നിലവറയോടു ചേർന്നുള്ള അന്നദാനപ്പുരയിലാണ് ഉത്രാടസദ്യ വിളമ്പുന്നത്. തന്ത്രി കണ്ഠരര് മഹേഷ് മോഹനരുടെ കാർമികത്വത്തിൽ സന്നിധാനം, മാളികപ്പുറം മേൽശാന്തിമാരും സന്നിധാനം കീഴ്ശാന്തിയും പരികർമ്മികളും ചേർന്ന് അയ്യപ്പ ചിത്രത്തിനുമുന്നിൽ സദ്യ വി​ളമ്പും.

Also Read- അഞ്ച് കൂട്ടം പായസവും 65 തരം വിഭവങ്ങളുമായി നിയമസഭയിൽ മുഖ്യമന്ത്രിയുടെ അത്യുഗ്രൻ ഓണസദ്യ

5000 പേർക്കുളള സദ്യവട്ടങ്ങളാണ് ഒരുക്കിയിരിക്കുന്നത്. ചങ്ങനാശ്ശേരി കുറിച്ചി പുതുമന ഇല്ലത്ത് മോഹനൻ നമ്പൂതിരിയുടെ നേതൃത്വത്തിലുളള 21 അംഗ പാചക വിദഗ്ദ്ധരാണ് സദ്യ തയ്യാറാക്കുന്നത്. സന്നിധാനത്ത് തി​രുവോണം നാളി​ൽ ദേവസ്വം ജീവനക്കാരുടെയും അവിട്ടംനാളിൽ സന്നിധാനം പൊലീസ് ഉദ്യോഗസ്ഥരുടെയും ചതയംനാളിൽ ഒരു ഭക്തന്റെയും വഴിപാടായാണ് സദ്യ ഒരുക്കുന്നത്. ഓണനാളിലെ പൂജകൾ പൂർത്തിയാക്കി 31ന് രാത്രി 10ന് നടഅടയ്ക്കും. കന്നിമാസ പൂജകൾക്കായി സെപ്തംബർ 17ന് വൈകിട്ട് 5ന് നടതുറക്കും.