ബാധ്യതകളും ഉപാധികളും ഇല്ലാതെ ഒരുമിച്ചു ജീവിക്കുന്ന ദമ്പതികൾ; നിങ്ങളും‍ സിറ്റുവേഷൻഷിപ്പിലാണോ?

നിങ്ങൾ ഒരാളുമായി സ്നേഹബന്ധത്തിലാണ് എന്നാൽ ആ ബന്ധം എത്രത്തോളും മുന്നോട്ട് പോവുമെന്ന് ഇതേവരെ ചർച്ച ചെയ്തിട്ടില്ലെന്ന് കരുതുക. അത് മാത്രമല്ല, ആ ബന്ധത്തിൽ എല്ലാ തരത്തിലുള്ള അടുപ്പവും കാണിക്കുന്നുവെങ്കിലും പരസ്പരം വിവാഹിതരാവുമെന്നോ ഒരുമിച്ച് ജീവിക്കുമെന്നോ ഒരു ഉറപ്പും കൊടുത്തിട്ടില്ലെന്നും കരുതുക. ഇത്തരം ബന്ധങ്ങൾ സങ്കീർണമാണ് എന്ന് ഉറപ്പാണ്. അവയെ റിലേഷൻഷിപ്പ് എന്നല്ല, പകരം സിറ്റുവേഷൻഷിപ്പ് എന്നാണ് വിളിക്കുന്നത്. യാതൊരു പ്രതിബദ്ധതയുമില്ലാത്ത ഒരു സ്നേഹബന്ധത്തിൽ നിങ്ങൾ തുടരുന്നുവെങ്കിൽ അതിനെ സിറ്റുവേഷൻഷിപ്പ് എന്ന് വിളിക്കാമെന്ന് യേഷിവ യൂണിവേഴ്സിറ്റിയിലെ ക്ലിനിക്കൽ സൈക്കോളജിസ്റ്റും പ്രൊഫസറുമായ സബ്രീന റോമനോഫ് പറഞ്ഞു. ഇത്തരം ബന്ധത്തിലായാൽ നിങ്ങൾക്ക് ഒരേ സമയം സിംഗിൾ ആയും എന്നാൽ പങ്കാളിയോടൊപ്പമുള്ള ജിവിതവും ആസ്വദിക്കാമെന്ന് അവർ പറയുന്നു.