Travelling | എഴുപതിലധികം രാജ്യങ്ങൾ സന്ദർശിച്ച 33 കാരി; എല്ലായിടത്തും സൗജന്യ താമസം; ആ രഹസ്യമറിയാം

യാത്രകൾ (Travelling) ഇഷ്ടപ്പെടുന്ന ധാരാളം പേരുണ്ടാകും. ഓരോ യാത്രയും ഓരോ അനുഭവവും അറിവുകളും കൂടിയാണ് സമ്മാനിക്കുന്നത്. ഓരോ യാത്രികർക്കും അവരുടേതായ യാത്രാ രീതികളും ഇഷ്ടങ്ങളും ഒക്കെ ഉണ്ടായിരിക്കും. അത്തരത്തിൽ ഓരോ യാത്രയെയും വേറിട്ട അനുഭവമാക്കി മാറ്റുന്ന ഒരു സഞ്ചാരിയെക്കുറിച്ചാണ് പറഞ്ഞു വരുന്നത്. പ്രതിബന്ധങ്ങളെയെല്ലാം മറികടന്ന് ഇതിനോടകം എഴുപതിൽ അധികം രാജ്യങ്ങൾ സന്ദർശിച്ച സിബു ഡി ബെനഡിക്റ്റസ് (Sibu De Benedictis) ആണ് ആ താരം. സിബുവിന്റെ യാത്രകൾക്ക് ഒരു പ്രത്യേകതയുണ്ട്. എല്ലാ രാജ്യങ്ങളിലെയും പ്രധാനപ്പെട്ട സ്ഥലങ്ങളിലെല്ലാം അവർ സൗജന്യമായാണ് താമസിക്കുന്നത് (Free Stay). എല്ലാ വിധ സുഖ സൗകര്യങ്ങളും ആഡംബരവും നിറ‍ഞ്ഞ താമസ സ്ഥലങ്ങളും ഇക്കൂട്ടത്തിൽ പെടും. എങ്ങനെയാണ് ഇത് സാധ്യമാകുന്നതെന്ന് സിബു തന്നെ വെളിപ്പെടുത്തിയിട്ടുണ്ട്. അതിനു മുൻപ് സിബുവിനെക്കുറിച്ചും സിബുവിന് യാത്ര ഹരമായി മാറിയതിനെക്കുറിച്ചും കൂടുതലറിയാം.