Free Flo: പെൺകുട്ടികൾക്ക് ആർത്തവസംബന്ധമായ അറിവുകളുമായി ആപ്പ്; നിർമ്മിച്ചത് പതിനൊന്നുകാരി

ഗുജറാത്തിലെ അഹമ്മദാബാദില്‍ നിന്നുള്ള അയിഷ ഗോയല്‍ എന്ന 11 വയസുകാരി ആര്‍ത്തവത്തെക്കുറിച്ചുള്ള പ്രധാന വിവരങ്ങള്‍ അറിയാന്‍ പെണ്‍കുട്ടികളെ സഹായിക്കുന്നതിനായി 'ഫ്രീ ഫ്‌ലോ' എന്ന ആപ്പ് നിര്‍മ്മിച്ചിരിക്കുകയാണ്. മെന്‍സ്ട്രുവല്‍ സൈക്കിള്‍ ട്രാക്കുചെയ്യാനുള്ള ഓപ്ഷനും ഈ ആപ്പ് നല്‍കുന്നുണ്ട്. തെന്റെ പെണ്‍ സുഹൃത്തുക്കളില്‍ ചിലര്‍ ശരീരം ചില മാറ്റങ്ങളിലൂടെ കടന്നുപോകുന്നത് എന്തുകൊണ്ടാണെന്ന് മനസ്സിലാക്കാന്‍ പാടുപെടുന്നത് ഞാന്‍ കണ്ടതിന് ശേഷമാണ് ഇങ്ങനെ ഒരു ആപ്പ് നിര്‍മ്മിക്കുന്ന ആശയം എന്നില്‍ ഉദിച്ചത് എന്നാണ് അയിഷ പറയുന്നത്.