LPG പ്രതിസന്ധി ; 23-ന് സംസ്ഥാനവ്യാപക പണിമുടക്ക് പ്രഖ്യാപിച്ച് കേരള ഹോട്ടല്‍ ആന്‍ഡ് റെസ്റ്റോറന്റ് അസോസിയേഷന്‍

അതേസമയം, ആലപ്പുഴയിലെ ഹോട്ടലുകളിൽ ഭക്ഷണത്തിന് വില വർദ്ധിപ്പിച്ചു. 30 രൂപയാണ് കൂട്ടിയത്. നോൺവെജ് ഭക്ഷണങ്ങൾക്കാണ് വില വർദ്ധിപ്പിച്ചിരിക്കുന്നത്. ​എൽപിജി ഉപയോ​ഗിച്ച് പാകം ചെയ്യുന്ന വിഭവങ്ങൾക്കായിരിക്കും മുമ്പത്തേക്കാൾ‌ കൂടുതൽ പണം ഈടാക്കുക. അൽഫാം, ഷവർമ പോലെയുള്ള വിഭവങ്ങൾക്കും ബിരിയാണിക്കും 10 രൂപ മുതൽ 30 രൂപ വരെ വില ഉയർന്നു. പാകം ചെയ്യാൻ അധികസമയം ചെലവഴിക്കുന്ന ഭക്ഷണവിഭവങ്ങൾക്കാണ് വില കൂട്ടിയത്.

എൽപിജി ക്ഷാമത്തെ തുടർന്ന് പല ഹോട്ടലുകളും വിറകടുപ്പിലേക്ക് മാറിയിട്ടുണ്ട്. ‍‍ആലപ്പുഴയിൽ ആയിരത്തോളം ഹോട്ടലുകളാണ് അടച്ചത്. കൂടാതെ ചില ​ഹോട്ടലുകൾ പൂട്ടലിന്റെ വക്കിലുമാണ്. മാത്രമല്ല, ഹോട്ടലുകളിലും കാറ്ററിം​ഗ് സ്ഥാപനങ്ങളിലും ഉൾപ്പെടെയുള്ള മേഖലകളിൽ ജോലി ചെയ്യുന്നവരിൽ പലർക്കും ജോലി നഷ്ടമായി.

ചെറിയ റെസ്റ്റോറന്റുകൾ, തെരുവോര ഭക്ഷണശാലകൾ, എന്നിവയിൽ പലതും അടച്ചുപൂട്ടുകയോ ജോലിക്കാരെ വെട്ടിക്കുറയ്ക്കുകയോ ചെയ്തിട്ടുണ്ട്. ദിവസവും 500,600 രൂപ ശമ്പളം വാങ്ങുന്ന സാധാരണക്കാരെയാണ് ഈ സാഹചര്യം പ്രതികൂലമായി ബാധിക്കുന്നത്.