Yvon Chouinard | ‘ഭൂമി ഇനി ഞങ്ങളുടെ ഏക ഓഹരി ഉടമ’; പരിസ്ഥിതി പ്രവർത്തനത്തിന് സ്വന്തം കമ്പനി വിട്ടുനൽകി ശതകോടീശ്വരൻ

ഫാഷൻ റീട്ടെയിലർ പാറ്റഗോണിയയുടെ സ്ഥാപകനായ അമേരിക്കൻ ശതകോടീശ്വരൻ യോൺ ച്യോയ‍്‍നാർഡ് ലോകത്തിന് മുമ്പിൽ പരിസ്ഥിതി സ്നേഹത്തിൻെറ പുതിയൊരു മാതൃക തുറന്നിടുകയാണ്. കാലാവസ്ഥാ വ്യതിയാനത്തിനെതിരെ പോരാടാൻ സ്വന്തം കമ്പനി തന്നെ വിട്ട് കൊടുത്തിരിക്കുകയാണ് ച്യോയ‍്‍നാർഡ്. "ഭൂമി മാത്രമാണ് ഇപ്പോൾ ഞങ്ങളുടെ ഏക ഓഹരി ഉടമ," സെപ്റ്റംബർ 14ന് കമ്പനി വിട്ടു നൽകുന്ന തീരുമാനം പ്രഖ്യാപിച്ച് കൊണ്ട് അദ്ദേഹം പറഞ്ഞു. പാറ്റഗോണിയയുടെ എല്ലാ വോട്ടിംഗ് സ്റ്റോക്കുകളും കമ്പനിയുടെ മൂല്യങ്ങൾ സംരക്ഷിക്കുന്നതിനായി സൃഷ്ടിച്ച പാറ്റഗോണിയ പർപ്പസ് ട്രസ്റ്റിലേക്ക് മാറ്റുമെന്ന് അദ്ദേഹം വ്യക്തമാക്കി.