വാഹനങ്ങളിലെ സുരക്ഷ കൂട്ടും, മലിനീകരണം കുറയ്ക്കും; അന്താരാഷ്ട്ര മാനദണ്ഡങ്ങൾ നടപ്പാക്കാൻ കേന്ദ്രസർക്കാർ

ന്യൂഡൽഹി: രാജ്യത്തെ വാഹനങ്ങളിലെ സുരക്ഷാ ക്രമീകരണങ്ങൾ അവയിൽ നിന്നുള്ള മലിനീകരണം എന്നിവയിൽ നൂതന അന്താരാഷ്ട്ര മാനദണ്ഡങ്ങൾ നടപ്പാക്കുന്ന പദ്ധതിക്ക് കേന്ദ്രസർക്കാർ തുടക്കം കുറിച്ചു. രാജ്യത്തെ വാഹന നിർമാണ മേഖലയുടെ വളർച്ച, മൊത്ത ആഭ്യന്തര ഉത്പാദനത്തിലേക്കുള്ള അവയുടെ സംഭാവന വർദ്ധിപ്പിക്കൽ എന്നിവ ലക്ഷ്യമിട്ടുള്ള ദീർഘകാല നിയന്ത്രണ മാർഗ്ഗരേഖയ്ക്കാണ് ഭരണകൂടം രൂപം നൽകുന്നത്. ഇത്തരം നിയന്ത്രണങ്ങളിലൂടെ ഇന്ത്യൻ വാഹന നിർമ്മാണ വ്യവസായമേഖലയെ വികസിത രാജ്യങ്ങളോട് കിടപിടിക്കുന്ന രീതിയിൽ വളർത്താനും ലക്ഷ്യമിടുന്നു.