ടാറ്റാ കാറുകൾക്ക് മാ‍ർച്ചിൽ വമ്പൻ വിലക്കുറവ്; ഹാരിയറിന് 70,000 രൂപ വരെ ഡിസ്ക്കൗണ്ട്

170 എച്ച്പി, 2.0 ലിറ്റർ ടർബോ-ഡീസൽ എഞ്ചിനാണ് ടാറ്റ ഹാരിയറിന്റെ കരുത്ത്. 6 സ്പീഡ് മാനുവൽ അല്ലെങ്കിൽ ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സാണ് ഹാരിയറിനുള്ളത്. പനോരമിക് സൺറൂഫ്, 8.8 ഇഞ്ച് ടച്ച്‌സ്‌ക്രീൻ, 17 ഇഞ്ച് അലോയ്കൾ എന്നിവ ഹാരിയറിന്റെ പ്രധാന എതിരാളിയായ എം‌ജി ഹെക്ടറിന്റെ പ്രത്യേകതകളാണ്. മാർച്ച് മാസത്തിൽ ഹാരിയറിന് 70,000 രൂപ വിലക്കുറവാണ് കമ്പനി വാഗ്ദാനം ചെയ്തിരിക്കുന്നത്. ആനുകൂല്യങ്ങളിൽ ക്യാഷ് ഡിസ്കൌണ്ടും എക്സ്ചേഞ്ച് ബോണസും ഉൾപ്പെടുന്നു.

86 എച്ച്പി, 1.2 ലിറ്റർ പെട്രോൾ എഞ്ചിനാണ് ടാറ്റാ ടിഗോറിന്റേത്. മാരുതി സുസുക്കി ഡിസയറിന്റെ പ്രധാന എതിരാളിയായ ടിഗോറിന് മാർച്ച് മാസത്തിൽ 33,000 രൂപയുടെ ആനുകൂല്യങ്ങൾ ലഭിക്കും. എക്സ്ചേഞ്ച് ബോണസ്, ക്യാഷ്, കോർപ്പറേറ്റ് ഡിസ്കൌണ്ട് എന്നിവ ഇതിൽ ഉൾപ്പെടുന്നു.

ടാറ്റയുടെ സ്റ്റൈലിഷ് മോഡലായ ടിയാഗോ ഹാച്ച്ബാക്ക് ഹ്യുണ്ടായ് സാൻട്രോ, മാരുതി സുസുക്കി വാഗൺ ആർ എന്നിവയുടെ എതിരാളിയാണ്. ടാറ്റ ടിയാഗോ ഗ്ലോബൽ എൻ‌സി‌എപിയിൽ നിന്ന് 4-സ്റ്റാർ സുരക്ഷാ റേറ്റിംഗ് ലഭിച്ചിട്ടുള്ള മോഡലാണ്. മാർച്ച് മാസത്തിൽ ടിയാഗോയ്ക്ക് 28,000 രൂപ വരെ ക്യാഷ് ഡിസ്കൗണ്ടും എക്‌സ്‌ചേഞ്ച് ബോണസുമാണ് കമ്പനി വാഗ്ദാനം ചെയ്യുന്നത്.

110 എച്ച്പി, 1.5 ലിറ്റർ ടർബോ-ഡീസൽ, 120 എച്ച്പി, 1.2 ലിറ്റർ ടർബോ-പെട്രോൾ എഞ്ചിൻ എന്നിങ്ങനെ രണ്ട് മോഡലുകളിൽ ടാറ്റ നെക്‌സൺ ലഭ്യമാണ്. ഇവ രണ്ടും മാനുവൽ, എഎംടി ഗിയർബോക്‌സ് ഓപ്ഷനുകളും നൽകുന്നുണ്ട്. ഹ്യുണ്ടായ് വെന്യൂ, മഹീന്ദ്ര എക്സ് യു വി 300 എന്നിവയാണ് നെക്സണിന്റെ പ്രധാന എതിരാളികൾ. ഈ മാസം കാർ വാങ്ങുന്നവർക്ക് നെക്സൺ ഡീസൽ മോഡലിന് 20,000 രൂപയുടെ ഡിസ്കൌണ്ട് ലഭിക്കും. കൂടാതെ, പൂർണ്ണമായും ഇലക്ട്രിക് ആയ നെക്സൺ ഇ.വി ഈ മാസം 10,000 രൂപ എക്സ്ചേഞ്ച് ഓഫറിൽ ലഭ്യമാണ്.