ഏപ്രിൽ 1 മുതൽ എല്ലാം പഴയതുപോലെയല്ല; ശ്രദ്ധിക്കേണ്ട കാര്യങ്ങൾ

പാൻ കാർഡും ആധാറുമായി ലിങ്കു ചെയ്യുന്നത് കേന്ദ്ര സർക്കാർ നിർബന്ധമാക്കി. നിലവിലെ നിയമപ്രകാരം, ആദായനികുതി റിട്ടേൺ (ഐടിആർ) സമർപ്പിക്കുന്നതിന് ആധാർ കാർഡിനെ പാൻ കാർഡുമായി ലിങ്കുചെയ്യേണ്ടത് നിർബന്ധമാണ്, അങ്ങനെ ചെയ്യുന്നതിൽ പരാജയപ്പെട്ടാൽ 1000 രൂപ പിഴ ഈടാക്കാം, കൂടാതെ പാൻ കാർഡ് പ്രവർത്തനരഹിതമാക്കുകയും ചെയ്യും. മാർച്ച് 31 ആണ് പാൻ കാർഡും ആധാറും ബന്ധിപ്പിക്കുന്നതിനുള്ള അവസാന തീയ്യതി.ഐ-ടി വകുപ്പിന്റെ ഇ-ഫയലിംഗ് പോർട്ടൽ ആയ www.incometaxindiaefiling.gov.in കയറി ലിങ്ക് ചെയ്യാവുന്നതാണ്.

പ്രൊവിഡന്റ് ഫണ്ട് (പി എഫ്) നിയമങ്ങളിലെ ചില അഴിച്ചു പണികളുടെ ഭാഗമായി ഒരു സാമ്പത്തിക വർഷം പി‌ എഫ് സംഭാവന 2.5 ലക്ഷം രൂപയിൽ കൂടുതലായാൽ ആദായനികുതി ചുമത്തുമെന്ന് കേന്ദ്ര സർക്കാർ പ്രഖ്യാപിച്ചിരുന്നു. പുതിയ സാമ്പത്തിക വർഷം മുതൽ അതായത് 2021 - 22 സാമ്പത്തിക വർഷം മുതൽ ഇത് നടപ്പാക്കപ്പെടും. അതിനാൽ, 2021 ഏപ്രിൽ ഒന്നു മുതൽ, പി എഫ് അക്കൗണ്ട് ഉള്ളവർ അവരുടെ പ്രതിമാസ സംഭാവന പരിശോധിച്ച് 2.5 ലക്ഷം രൂപ പരിധി ലംഘിക്കുന്നുണ്ടോയെന്ന് പരിശോധിക്കേണ്ടതുണ്ട്.

ആ​ർ.​ബി.​ഐ​യു​ടെ പു​തി​യ നി​യ​മം നി​ല​വി​ൽ ​വ​രു​ന്ന​തി​നാ​ൽ ഒ.​ടി.​ടി, മ്യൂ​ച്വ​ൽ ഫ​ണ്ട്, എ​സ്.​ഐ.​പി തു​ട​ങ്ങി​യ​വ​ക്കാ​യു​ള്ള ഓ​​ട്ടോ ഡെ​ബി​റ്റ്​ ​സം​വി​ധാനങ്ങളിൽ തടസ്സം നേരിട്ടേക്കും. യു.​പി.​ഐ, ബാ​ങ്ക്​ കാ​ർ​ഡു​ക​ൾ, വാ​ല​റ്റ്, നാ​ഷ​ന​ൽ പേ​​മെൻറ്​ കോ​ർ​പ​റേ​ഷ​ൻ എ​ന്നി​വ വ​ഴി​യു​ള്ള ഇ​ട​പാ​ടു​ക​ളും തടസ്സപ്പെട്ടേക്കാം.