UMANG App | ഉമംഗ് ആപ്പ് ഉപയോഗിച്ച് പിഎഫിൽ നിന്ന് എങ്ങനെ പണം പിൻവലിക്കാം? സ്റ്റെപ്പുകൾ അറിയാം

സർക്കാർ, സ്വകാര്യ മേഖലകളിൽ ജോലി ചെയ്യുന്ന വ്യക്തികളുടെ വേതനത്തിൽ നിന്നുള്ള നിർബന്ധിത സംഭാവനയിലൂടെ സമ്പാദ്യം രൂപീകരിക്കുന്ന എംപ്ലോയീസ് പ്രോവിഡന്റ് ഫണ്ട് ഇന്ത്യയിലെ ഏറ്റവും വിശ്വസ്തമായ ദീർഘകാല സമ്പാദ്യ പദ്ധതിയാണ്. ഒരു അടിയന്തിര സാഹചര്യത്തിൽ ഉപയോഗിക്കാനോ വിരമിക്കൽ സമയത്ത് പിൻവലിക്കാനോ കഴിയുന്ന പണസമ്പാദ്യം ഉണ്ടാക്കാൻ കഴിയുന്നതോടൊപ്പം ഈ ഫണ്ടിൽ നിന്ന് ജീവനക്കാർക്ക് വായ്പ നേടാനും കഴിയും. നിക്ഷേപിച്ച തുകയിൽ നിന്ന് മികച്ച റിട്ടേൺസ് ഇ പി എഫ് ഉറപ്പു വരുത്തുന്നു. പല സ്ഥിരനിക്ഷേപ പദ്ധതികളെയും മറ്റു നിക്ഷേപ പദ്ധതികളെയും അപേക്ഷിച്ച് ഉയർന്ന പലിശനിരക്കാണ് പ്രോവിഡന്റ് ഫണ്ട് നൽകുന്നത്.