ലഘു നിക്ഷേപ പദ്ധതികൾ: 2024 ജനുവരി - മാർച്ച് മാസത്തെ PPF, NSC പലിശ നിരക്കുകൾ അറിയാം
- Published by:Naseeba TC
- news18-malayalam
Last Updated:
4 ശതമാനത്തിനും 8.2 ശതമാനത്തിനും ഇടയിലാണ് നിലവിൽ ലഘു നിക്ഷേപ പദ്ധതികളുടെ പലിശ നിരക്ക്
2024ലെ ജനുവരി മുതൽ മാർച്ച് മാസം വരെയുള്ള ലഘു നിക്ഷേപ പദ്ധതികളുടെ പലിശ നിരക്ക് സർക്കാർ ഇന്ന് പ്രഖ്യാപിച്ചേക്കും. പബ്ലിക് പ്രൊവിഡന്റ് ഫണ്ട് (PPF), നാഷണൽ സേവിങ്സ് സർട്ടിഫിക്കറ്റ് (NSC) തുടങ്ങിയവയുടെയും മറ്റ് ലഘു നിക്ഷേപ പദ്ധതികളുടെയും പലിശ നിരക്കുകളിൽ സർക്കാർ മാറ്റം വരുത്തിയേക്കുമെന്നാണ് റിപ്പോർട്ടുകൾ. നിലവിലെ ജി സെക് (Government Securities) ബോണ്ടുകളിൽ നിന്നുള്ള വരുമാനത്തിന്റെ അടിസ്ഥാനത്തിൽ പലിശ നിരക്ക് ഉയർത്താൻ തന്നെയാണ് സാധ്യത.
പിപിഎഫ്, എൻ എസ് സി തുടങ്ങിയ ലഘു നിക്ഷേപ പദ്ധതികളുടെ പലിശ നിരക്കും പത്ത് വർഷ ജി- സെക് ബോണ്ടുകളുടെ നിരക്കുകളും പ്രകാരം പുതിയ പ്രഖ്യാപനത്തിൽ പലിശ നിരക്കുകൾ സർക്കാർ വർധിപ്പിച്ചേക്കാം.
2023 സെപ്റ്റംബർ മുതൽ നവംബർ മാസത്തെ വരെ കണക്കുകൾ പ്രകാരമാണ് ഈ വർദ്ധനവ് പ്രതീക്ഷിക്കുന്നത്. കഴിഞ്ഞ സെപ്റ്റംബർ - നവംബർ മാസങ്ങളിൽ സർക്കാർ ബോണ്ടുകളിൽ നിന്നുള്ള വരുമാനത്തിൽ വർദ്ധനവ് രേഖപ്പെടുത്തിയിരുന്നു. അഞ്ച് വർഷ ബോണ്ടുകളിൽ 10 ബേസ് പോയിന്റിന്റെ വർദ്ധനവും, പത്ത് വർഷ ബോണ്ടുകളിൽ 15 ബേസ് പോയിന്റിന്റെ വർദ്ധനവും ഉണ്ടായതായി റിപ്പോർട്ടുകൾ വ്യക്തമാക്കുന്നു. 4 ശതമാനത്തിനും 8.2 ശതമാനത്തിനും ഇടയിലാണ് നിലവിൽ ലഘു നിക്ഷേപ പദ്ധതികളുടെ പലിശ നിരക്ക്.
advertisement
2023 ഒക്ടോബർ - ഡിസംബർ മാസത്തെ ചെറുകിട സമ്പാദ്യ പദ്ധതികളുടെ പലിശ നിരക്ക് ചുവടെ നൽകുന്നു.
സേവിങ്സ് സ്കീം പലിശ നിരക്ക്
പോസ്റ്റ് ഓഫീസ് സേവിങ്സ്അക്കൗണ്ട്
4%
advertisement
പോസ്റ്റ് ഓഫീസ്റിക്കറിങ് ഡെപ്പോസിറ്റ്
6.7%
പോസ്റ്റ് ഓഫീസ്പ്രതിമാസ വരുമാന പദ്ധതി
7.4%
പോസ്റ്റ് ഓഫീസ് ടൈംഡെപ്പോസിറ്റ് (ഒരു വർഷം)
6.9%
പോസ്റ്റ് ഓഫീസ് ടൈംഡെപ്പോസിറ്റ് (രണ്ട് വർഷം)
7%
പോസ്റ്റ് ഓഫീസ് ടൈംഡെപ്പോസിറ്റ് (മൂന്ന് വർഷം)
7%
പോസ്റ്റ് ഓഫീസ് ടൈം ഡെപ്പോസിറ്റ് (5 വർഷം)
advertisement
7.5%
കിസാൻ വികാസ്പത്ര (KVP)
7.5%
പബ്ലിക് പ്രൊവിഡന്റ്ഫണ്ട് (PPF)
7.1%
സുകന്യ സമൃദ്ധി 8%
നാഷണൽ സേവിങ്സ്സർട്ടിഫിക്കറ്റ്
7.7%
സീനിയർ സിറ്റിസൺസേവിങ്സ് സ്കീം
8.2%
അഞ്ച് വർഷത്തെ റിക്കറിംഗ് നിക്ഷേപ നിരക്കുകൾ വർധിപ്പിച്ച തീരുമാനം മാറ്റി നിർത്തിയാൽ ഒക്ടോബർ - ഡിസംബർ മാസത്തെ ലഘു നിക്ഷേപ പദ്ധതികളുടെ പലിശ നിരക്കിൽ സർക്കാർ മാറ്റങ്ങൾ ഒന്നും വരുത്തിയിരുന്നില്ല. 2020 ഏപ്രിൽ - ജൂൺ മാസം വരെ പിപിഎഫിൽ മാറ്റങ്ങൾ ഒന്നും വരുത്തിയിരുന്നില്ലെങ്കിലും പിന്നീട് അത് 7.9 ശതമാനത്തിൽ നിന്നും 7.1 ശതമാനമായി കുറച്ചിരുന്നു. 2019 ജൂലൈ - സെപ്റ്റംബറിലും പിപിഎഫ് നിരക്ക് സർക്കാർ കുറച്ചിരുന്നു. 2018 ഒക്ടോബർ - ഡിസംബർ മാസത്തെ പിപിഎഫ് നിരക്കിൽ മാത്രമാണ് വർദ്ധനവ് രേഖപ്പെടുത്തിയത്. അന്ന് 7.6 ശതമാനമായിരുന്ന പിപിഎഫ് പലിശ നിരക്ക് 8 ശതമാനമായി ഉയർത്തി. അടുത്തടുത്ത രണ്ട് പാദങ്ങളിലെ പരിഷ്കരണങ്ങളെത്തുടർന്ന് ജൂലൈ - സെപ്റ്റംബർ മാസങ്ങളിൽ സീനിയർ സിറ്റിസൺ സേവിങ്സ് സീമിന്റെ (SCSS) പലിശ നിരക്ക് 8.2 ശതമാനമായി തന്നെ നില നിർത്തിയിരുന്നു. ഏപ്രിൽ - ജൂൺ മാസത്തിലാണ് പലിശ നിരക്ക് 8 ശതമാനത്തിൽ നിന്നും 8.2 ശതമാനമായി ഉയർത്തിയത്.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
January 01, 2024 6:58 PM IST
മലയാളം വാർത്തകൾ/ വാർത്ത/Money/
ലഘു നിക്ഷേപ പദ്ധതികൾ: 2024 ജനുവരി - മാർച്ച് മാസത്തെ PPF, NSC പലിശ നിരക്കുകൾ അറിയാം