20 കോടി രൂപയുടെ ഭാഗ്യശാലി; കേരള ക്രിസ്മസ് ന്യൂ ഇയർ ബമ്പർ ലോട്ടറി ഫലം

കേരള ക്രിസ്മസ് ന്യൂ ഇയർ ബമ്പർ BR-107 ലോട്ടറി ഫലം പ്രഖ്യാപിച്ചു. X C 138455 നമ്പർ ടിക്കറ്റിനാണ് ഒന്നാം സമ്മാനം. കോട്ടയം ജില്ലയിൽ വിറ്റുപോയ ടിക്കറ്റിനാണ് സമ്മാനം. കേരള സംസ്ഥാന ലോട്ടറി വകുപ്പാണ് ബമ്പർ നറുക്കെടുപ്പ് നടത്തുന്നത്. ലോട്ടറിയുടെ ഒന്നാം സമ്മാനം 20 കോടി രൂപയാണ്. രണ്ടാം സമ്മാനം 20 വിജയികൾക്ക് ഓരോരുത്തർക്കും 1 കോടി വീതവും മൂന്നാം സമ്മാനം 20 വിജയികൾക്ക് 10 ലക്ഷം വീതവുമാണ്. നാലാം സമ്മാനം 20 വിജയികൾക്ക് 3 ലക്ഷം വീതവും അഞ്ചാം സമ്മാനം 20 വിജയികൾക്ക് 2 ലക്ഷം വീതവുമാണ്. കൂടാതെ, 1 ലക്ഷം വീതമുള്ള ഒമ്പത് സമാശ്വാസ സമ്മാനങ്ങളും നൽകും. 5,000, 2,000, 1,000, 500, 400 എന്നിങ്ങനെയുള്ള സമ്മാനങ്ങളും ഉൾപ്പെടുന്നു. ആകെ സമ്മാനത്തുകയായി 93.22 കോടി രൂപയാണ് വാഗ്ദാനം ചെയ്യുന്നത്.