Thiruvonam Bumper: തിരുവോണം ബമ്പര് വില്പ്പന 57 ലക്ഷത്തിലേയ്ക്ക്; മുന്നിൽ പാലക്കാട്
- Published by:Rajesh V
- news18-malayalam
Last Updated:
ചൊവ്വാഴ്ച വൈകിട്ട് നാലു മണി വരെയുള്ള കണക്കനുസരിച്ച് നിലവില് അച്ചടിച്ച 70 ലക്ഷം ടിക്കറ്റുകളില് 56,74,558 ടിക്കറ്റുകള് പൊതുജനങ്ങളിലേയ്ക്ക് എത്തിക്കഴിഞ്ഞു
തിരുവനന്തപുരം: 25 കോടി രൂപ ഒന്നാം സമ്മാനവും ഒരു കോടി രൂപ വീതം 20 പേര്ക്ക് നല്കുന്ന രണ്ടാം സമ്മാനവും 50 ലക്ഷം രൂപ മൂന്നാം സമ്മാനവും യഥാക്രമം 5 ലക്ഷവും 2 ലക്ഷവും നാലും അഞ്ചും സമ്മാനങ്ങളും 500 രൂപ അവസാന സമ്മാനവുമായി തിരുവോണം ബമ്പര് ടിക്കറ്റ് വില്പ്പന 57 ലക്ഷത്തിലേയ്ക്ക്. ചൊവ്വാഴ്ച വൈകിട്ട് നാലു മണി വരെയുള്ള കണക്കനുസരിച്ച് നിലവില് അച്ചടിച്ച 70 ലക്ഷം ടിക്കറ്റുകളില് 56,74,558 ടിക്കറ്റുകള് പൊതുജനങ്ങളിലേയ്ക്ക് എത്തിക്കഴിഞ്ഞു.
ജില്ലാ അടിസ്ഥാനത്തില് ഇക്കുറിയും പാലക്കാട് ജില്ലയാണ് വില്പ്പനയില് മുന്നില് നില്ക്കുന്നത്. സബ് ഓഫീസുകളിലേതുള്പ്പെടെ 10,55,980 ടിക്കറ്റുകളാണ് ഇവിടെ ഇതിനോടകം വിറ്റഴിക്കപ്പെട്ടത്. 7,40,830 ടിക്കറ്റുകള് വിറ്റഴിച്ച് തിരുവനന്തപുരവും 7,03,310 ടിക്കറ്റ് വിപണിയിലെത്തിച്ച് തൃശൂരും ഒപ്പമുണ്ട്.
കേരളത്തില് മാത്രമാണ് സംസ്ഥാന ഭാഗ്യക്കുറിയുടെ വില്പ്പനയെന്നും പേപ്പര് ലോട്ടറിയായി മാത്രമാണ് വില്ക്കുന്നതെന്നും കാട്ടി അവബോധ പ്രചരണം വകുപ്പ് ഊജിതപ്പെടുത്തിയിട്ടുണ്ടെന്ന് സംസ്ഥാന ഭാഗ്യക്കുറി വകുപ്പ് അറിയിച്ചു. ഹിന്ദിയ്ക്കൊപ്പം തമിഴ്, കന്നഡ, തെലുങ്ക് ഭാഷയിലും വ്യാജ ലോട്ടറിക്കെതിരേയുള്ള അവബോധ പ്രചരണവുമാണ് വകുപ്പ് മുന്നോട്ട് പോവുകയാണ്.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
Oct 01, 2024 5:45 PM IST
മലയാളം വാർത്തകൾ/ വാർത്ത/Money/
Thiruvonam Bumper: തിരുവോണം ബമ്പര് വില്പ്പന 57 ലക്ഷത്തിലേയ്ക്ക്; മുന്നിൽ പാലക്കാട്
