അന്താരാഷ്ട്ര എണ്ണവില കുറഞ്ഞു; രാജ്യത്ത് ഇന്ധനവിലയിൽ മാറ്റമുണ്ടോ?

ന്യൂഡൽഹി: ചൈനയുടെ കർശനമായ COVID-19 നിയന്ത്രണങ്ങളിൽ ഇളവ് വരുത്താൻ സാധ്യതയുള്ള സമ്മിശ്ര സൂചനകളെത്തുടർന്ന് രണ്ട് മാസത്തിലേറെയായി ഉയർന്നതിന് ശേഷം അന്താരാഷ്ട്ര വിപണിയിൽ എണ്ണവില കുറഞ്ഞു. രാജ്യാന്തര വിപണിയിൽ ക്രൂഡ് ഓയിൽ, ബാരലിന് 95.32 ഡോളറിലാണ് വ്യാപാരം നടക്കുന്നത്. അതേസമയം രാജ്യത്ത് പെട്രോൾ ഡീസൽ വിലയിൽ മാറ്റമില്ല. പെട്രോളിന്റെ എക്‌സൈസ് തീരുവ ലിറ്ററിന് 8 രൂപയും ഡീസലിന് 6 രൂപയും കേന്ദ്രം കുറച്ചതിനെത്തുടർന്ന് മെയ് മാസത്തിലാണ് രാജ്യവ്യാപകമായി ഇന്ധന വിലയിൽ വലിയ കുറവ് ഉണ്ടായത്.