യുപിഐ ഉപയോക്താക്കള്‍ക്ക് സന്തോഷ വാര്‍ത്ത: യുപിഐ ലൈറ്റ് വാലറ്റ് പരിഷ്‌കരിച്ച് ആര്‍ബിഐ

യുപിഐ ലൈറ്റ് വാലറ്റില്‍ പുതിയ മാറ്റങ്ങള്‍ വരുത്തി ആര്‍ബിഐ. തടസങ്ങളില്ലാതെ ഇടപാടുകള്‍ നടത്തുക ലക്ഷ്യമിട്ടാണ് ഇത്തരമൊരു മാറ്റം. 2022 സെപ്റ്റംബറിലാണ് യുപിഐ ലൈറ്റ് അവതരിപ്പിച്ചത്. ചെറിയ തുകകളുടെ ഇടപാടുകള്‍ വേഗത്തിലും തടസ്സമില്ലാതെയും നടത്തുക ലക്ഷ്യമിട്ടാണ് ഇത് അവതരിപ്പിച്ചത്. നിലവില്‍ യുപിഐ ലൈറ്റില്‍ ഒരു ദിവസം 2000 രൂപയുടെ ഇടപാടുകളാണ് നടത്താന്‍ കഴിയുക. ഒറ്റത്തവണ പരമാവധി 500 രൂപയുടെ ഇടപാടും നടത്താന്‍ കഴിയും.