SBI | രാജ്യത്ത് എസ് ബി ഐ സേവനങ്ങൾ ഇന്ന് തടസപ്പെടും

ന്യൂഡൽഹി: രാജ്യത്തെ ഏറ്റവും വലിയ പൊതുമേഖലാ ബാങ്കായ എസ് ബി ഐ വിവിധ ഓൺലൈൻ സേവനങ്ങൾ ഇന്ന് തടസപ്പെടും. എസ് ബി ഐയുടെ ഇന്റര്‍നെറ്റ് ബാങ്കിംഗ്, യോനോ, യു പി ഐ അധിഷ്ഠിത പണമിടപാട് ഉള്‍പ്പെടെയുള്ള സര്‍വീസുകളാണ് ഇന്ന് തടസപ്പെടുന്നത്. ഉച്ചയ്ക്ക് ഒരു മണി മുതല്‍ 40 മിനിട്ട് നേരത്തേക്കാണ് എസ് ബി ഐ സേവനങ്ങൾക്ക് തടസം നേരിടുക. കൂടാതെ എസ് ബി ഐയുടെ ഡെപ്പോസിറ്റ് മെഷീനായ എഡിഡബ്ല്യുഎംഎസില്‍ നിന്ന് പണം പിന്‍വലിക്കാന്‍ ഇനിയൊരറിയിപ്പ് ഉണ്ടാകുന്നതുവരെ സാധിക്കില്ലെന്നും എസ് ബി ഐ അറിയിച്ചിട്ടുണ്ട്. വ്യാപകമായ പണം തട്ടിപ്പ് റിപ്പോർട്ട് ചെയ്തതിനെ തുടർന്നാണ് ക്യാഷ് ഡെപ്പോസിറ്റ് മെഷീൻ വഴി പണം പിൻവലിക്കുന്നത് എസ് ബി ഐ നിർത്തിവെച്ചത്.