ദിനോസറുകളെ വീണ്ടും കാണാം; നിങ്ങളെ ജുറാസിക് വേൾഡിലേക്ക് കൊണ്ടുപോകാൻ ഗൂഗിൾ

ലോകം ഏറെ അത്ഭുതത്തോടെ നോക്കിക്കണ്ട സിനിമകളായിരുന്നു ജുറാസിക് പാർക്ക് പരമ്പരകളിലേത്. ഒരുകാലത്ത് ഭൂമിയിൽ വിരാജിച്ചിരുന്ന ദിനോസറുകൾ എന്ന ജീവിയെ അടുത്തറിയാൻ സഹായിച്ചതായിരുന്നു ഈ സിനിമകൾ. ഇപ്പോഴിതാ, ദിനോസറുകളുടെ ലോകത്തേക്ക് ആളുകളെ കൂട്ടിക്കൊണ്ടുപോകാൻ ഒരുങ്ങുകയാണ് ഇന്‍റർനെറ്റ് ലോകത്തെ അതികായരായ ഗൂഗിൾ. ഓഗ്മെന്‍റഡ് റിയാലിറ്റി സാങ്കേതികവിദ്യയിലൂടെയാണ് ഇത് സാധ്യമാക്കുന്നത്. ഇതിനായി ജുറാസിക് വേൾഡ് എന്ന സിനിമയ്ക്കായി വികസിപ്പിച്ച 10 ദിനോസറുകളെയാണ് ഗൂഗിൾ ഉപയോക്താക്കളുടെ സ്വീകരണമുറിയിലേക്ക് കൊണ്ടുവരുന്നത്. യൂണിവേഴ്സൽ ബ്രാൻഡ് ഡെവലപ്മെന്‍റ്, ആംബ്ലിൻ എന്‍റർടെയ്ൻമെന്‍റ്, ലുഡിയ എന്നിവയുമായി ചേർന്നാണ് ഗൂഗിൾ ഈ പദ്ധതി യാഥാർത്ഥ്യമാക്കുന്നത്.