ഗൂഗിള്‍ സെര്‍ച്ചിന് AIയുടെ സഹായം; ഇന്ത്യയിലും, ജപ്പാനിലും ജനറേറ്റീവ് എഐ അവതരിപ്പിച്ച് ഗൂഗിൾ

ഇന്ത്യയിലും ജപ്പാനിലും ജനറേറ്റീവ് എഐ അവതരിപ്പിച്ച് ഗൂഗിൾ. സെര്‍ച്ച് ചെയ്യുമ്പോള്‍ AI സഹായം ലഭിക്കുമെന്നതാണ് പുതിയ ഫീച്ചറിന്റെ പ്രത്യേകത. അമേരിക്കയിലാണ് ആദ്യമായി ഈ ഫീച്ചർ അതവരിപ്പിച്ചത്. ഉപയോക്താക്കൾക്ക് ഇത് ഉപയോ​ഗിക്കണോ വേണ്ടയോ എന്ന് തീരുമാനിക്കാനുള്ള അവസരമുണ്ട്. ഇന്നു മുതല്‍ പുതിയ ഫീച്ചര്‍ ഇന്ത്യയിലെ ഉപയോക്താക്കള്‍ക്ക് ലഭ്യമായി തുടങ്ങി. സേർച്ച് ചെയ്യുന്ന കാര്യങ്ങളുടെ സംഗ്രഹം ഉള്‍പ്പടെ, നിര്‍ദേശങ്ങള്‍ക്ക് അനുസരിച്ച് ടെക്സ്റ്റ് ആയും ചിത്രങ്ങളായും ഓഡിയോ ആയുമെല്ലാം വിവരങ്ങള്‍ കാണിക്കുന്ന ഫീച്ചറാണിത്.