കൂട്ട പിരിച്ചുവിടലിന് ശേഷം മറ്റൊരു തിരിച്ചടി; ഗ്രീൻ കാർഡ് അപേക്ഷകൾ താൽക്കാലികമായി നിർത്തി ഗൂഗിൾ

Published by:Vishnupriya S
news18-malayalam

Last Updated:January 23, 2023 5:21 PM IST

വിദേശ തൊഴിലാളികൾക്കു യുഎസിൽ സ്ഥിരമായി താമസിച്ചു ജോലി ചെയ്യുന്നതിനുള്ള പെർമിറ്റാണ് ഗ്രീൻ കാർഡ്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ന്യൂഡൽഹി: കൂട്ട പിരിച്ചുവിടല്‍ പ്രഖ്യാപനത്തിന് ശേഷം ജീവനക്കാർക്ക് മറ്റൊരു തിരിച്ചടി നൽകി ഗൂഗിൾ. ഗ്രീൻ കാർഡ് അപേക്ഷകൾ താൽക്കാലികമായി ഗൂഗിൾ നിർത്തിവച്ചു. തൊഴിലുടമ സ്‌പോൺസർ ചെയ്‌ത ഗ്രീൻ കാർഡ് സ്വന്തമാക്കുന്നതിനുള്ള സുപ്രധാന ഘട്ടമായ പ്രോഗ്രാം ഇലക്ട്രോണിക് റിവ്യൂ മാനേജ്‌മെന്റാണ് (PERM) കമ്പനി താൽക്കാലികമായി നിർത്തിയത്. ഇത് സംബന്ധിച്ച ഇമെയിൽ ജീവങ്കക്കാർക്ക് ലഭിച്ചു. ഗൂഗിളിന്റെ ഈ തീരുമാനം വിദേശ തൊഴിലാളികളെ ആശങ്കയിലാക്കിയിരിക്കുകയാണ്.

Also read- ഗൂഗിളിന്റെ മാതൃകമ്പനി ആൽഫബറ്റ് 12,000 ജീവനക്കാരെ പിരിച്ചുവിടാനൊരുങ്ങുന്നതായി റിപ്പോർട്ട്

ഗൂഗിൾ തങ്ങളുടെ വിദേശ ജീവനക്കാർക്ക് അയച്ച ഇമെയിലിൽ പ്രോഗ്രാം ഇലക്ട്രോണിക് റിവ്യൂ മാനേജ്‌മെന്റിനായി അപേക്ഷകൾ അയക്കേണ്ടതില്ലെന്ന് നിർദേശിച്ചു. എന്നാൽ ഇത് മറ്റ് വിസ അപേക്ഷകളെയോ പ്രോഗ്രാമുകളെയോ ബാധിക്കില്ല. വിദേശ തൊഴിലാളികൾക്കു യുഎസിൽ സ്ഥിരമായി താമസിച്ചു ജോലി ചെയ്യുന്നതിനുള്ള പെർമിറ്റാണ് ഗ്രീൻ കാർഡ് (ലീഗൽ പെർമനന്റ് റെസിഡൻസി കാർഡ്). ഗ്രീൻ കാർഡ് ലഭിക്കുന്നതിനുള്ള പ്രക്രിയയിലെ നിർണായകമായ ആദ്യപടിയാണ് PERM ആപ്ലിക്കേഷൻ.

ഗ്രീൻ കാർഡ് (സ്ഥിരമായ താമസം) പ്രക്രിയയിലെ ഒരു നിർണായകമായ ആദ്യപടിയാണ് പ്രോഗ്രാം ഇലക്ട്രോണിക് റിവ്യൂ മാനേജ്‌മെന്റ് ആപ്ലിക്കേഷൻ. വിദഗ്ധ മേഖലയിൽ ജോലി ചെയ്യാൻ യോഗ്യതയുള്ള യുഎസ് തൊഴിലാളികൾ ലഭ്യമല്ലെന്ന് തൊഴിലുടമകൾ തെളിയിക്കണം. ഇത് ഇന്നത്തെ തൊഴിൽ വിപണിയെ പിന്തുണയ്ക്കാൻ ഞങ്ങൾക്ക് കൂടുതൽ ബുദ്ധിമുട്ടുള്ള ഒരു അവസ്ഥയാണ് എന്ന് ഗൂഗിൾ വ്യക്തമാക്കി.

Also read- വാടക നല്‍കിയില്ല; ട്വിറ്ററിന്റെ സിംഗപ്പൂര്‍ ഓഫീസ് ഒഴിപ്പിച്ചു; ജീവനക്കാരോട് വീട്ടിലിരുന്ന് ജോലി ചെയ്യാൻ നിർദേശം

ഗൂഗിൾ ജീവനക്കാർക്ക് അയച്ച ഇമെയിലിൽ പറയുന്നതനുസരിച്ച്, നിരവധി ടെക് കമ്പനികൾ അവരുടെ ജീവനക്കാരെ പിരിച്ചു വിടുന്നു. ഇതോടെ ജോലി അന്വേഷിക്കുന്നവരുടെ എണ്ണത്തിൽ വർധനവുണ്ടായിട്ടുണ്ട്. മറ്റ് ടെക് കമ്പനികൾക്കൊപ്പം സാങ്കേതിക വിഭാഗത്തിൽ പ്രോഗ്രാം ഇലക്ട്രോണിക് റിവ്യൂ മാനേജ്‌മെന്റ് കേസുകളുടെ എണ്ണത്തിൽ ശ്രദ്ധേയമായ വർദ്ധനവ് ഉണ്ടായിട്ടുണ്ട്. പുതിയ അപേക്ഷകൾ സ്വീകരിക്കില്ലെങ്കിലും ഇതിനകം സമർപ്പിച്ച ആപ്ലിക്കേഷനുകൾ പരിഗണിക്കുമെന്ന് ഗൂഗിൾഅറിയിച്ചു.

ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ

Location :

New Delhi,Delhi

First Published :

January 23, 2023 5:21 PM IST

കൂട്ട പിരിച്ചുവിടലിന് ശേഷം മറ്റൊരു തിരിച്ചടി; ഗ്രീൻ കാർഡ് അപേക്ഷകൾ താൽക്കാലികമായി നിർത്തി ഗൂഗിൾ

കൂട്ട പിരിച്ചുവിടലിന് ശേഷം മറ്റൊരു തിരിച്ചടി; ഗ്രീൻ കാർഡ് അപേക്ഷകൾ താൽക്കാലികമായി നിർത്തി ഗൂഗിൾ

വിദേശ തൊഴിലാളികൾക്കു യുഎസിൽ സ്ഥിരമായി താമസിച്ചു ജോലി ചെയ്യുന്നതിനുള്ള പെർമിറ്റാണ് ഗ്രീൻ കാർഡ്

ഫോട്ടോ

പ്രധാനപ്പെട്ട വാർത്ത