ഡെബിറ്റ് കാർഡ് വേണ്ട, ആധാർ ഉപയോഗിച്ചും ഗൂഗിൾ പേയിൽ UPI പിൻ സെറ്റ് ചെയ്യാം, എങ്ങനെ?

കഴിഞ്ഞ കുറച്ച് വർഷങ്ങളായി ഇന്ത്യയിൽ അതിവേഗം വളരുന്ന പേയ്‌മെന്റ് രീതിയാണ് യുപിഐ. വളരെ വേഗത്തിൽ പേയ്‌മെന്റ് നടത്താൻ കഴിയുന്ന ഗൂഗിൾ പേ പോലുള്ള ആപ്പുകൾ യുപിഐ പേയ്മെന്റ് സംവിധാനത്തിന്റെ ജനകീയതയ്ക്ക് വലിയ സംഭാവനകൾ നൽകിയിട്ടുണ്ട്. ഇപ്പോൾ ഗൂഗിൾ പേയിൽ ആധാർ കേന്ദ്രീകൃത പേയ്‌മെന്റ് കൂടി വരികയാണ്. അത് എങ്ങനെ പ്രവർത്തിക്കുന്നു എന്നും ഈ സംവിധാനം ഉപയോഗിക്കുന്നതിന് നിങ്ങൾക്ക് എന്താണ് ചെയ്യേണ്ടതെന്നും അതിന്റെ വിവിധ ഘട്ടങ്ങൾ എന്തൊക്കെ എന്നും നോക്കാം.

യുഐഡിഎഐയിൽ രജിസ്റ്റർ ചെയ്തിരിക്കുന്ന നിങ്ങളുടെ ഫോൺ നമ്പറും ബാങ്കിൽ രജിസ്റ്റർ ചെയ്തിരിക്കുന്ന നമ്പറുംഒന്നുതന്നെയാണെങ്കിൽ Google Payയിലെ ആധാർ അടിസ്ഥാനമാക്കിയുള്ള ലോഗിൻ ഉപയോഗിക്കാമെന്ന് ഗൂഗിൾ പറയുന്നു. കൂടാതെ നിങ്ങളുടെ ബാങ്ക് അക്കൗണ്ട് ആധാർ നമ്പറുമായി ലിങ്ക് ചെയ്യുകയും വേണം. ഗൂഗിൾ ഒരുകാരണവശാലും ആധാർ നമ്പർ ശേഖരിക്കുന്നില്ല എന്നും കമ്പനി വ്യക്തമാക്കിയിട്ടുണ്ട്.