Google | 2021ൽ കണ്ടെത്തിയത് 232 സുരക്ഷാ പാളിച്ചകൾ; ഇന്ത്യയിലെ സാങ്കേതികവിദ്യാ വിദഗ്ദ്ധന് ഗൂഗിളിന്റെ ആദരം
- Published by:Rajesh V
- news18-malayalam
Last Updated:
ബഗ്സ്മിററിന്റെ (Bugsmirror) സിഇഒയും സ്ഥാപകനും ഇന്ത്യക്കാരനുമായ അമന് പാണ്ഡെ (Aman Pandey) കഴിഞ്ഞ വര്ഷം മാത്രം 232 സുരക്ഷാ പ്രശ്നങ്ങള് കണ്ടെത്തി സമര്പ്പിച്ചു കൊണ്ട് മികച്ച ഗവേഷകനുള്ള ബഹുമതി നേടി.
ഗൂഗിള് (Google) എല്ലാ വര്ഷവും വള്നറബിലിറ്റി റിവാര്ഡ് പ്രോഗ്രാം (Vulnerability Reward Programme) റിപ്പോര്ട്ടുകള് അവതരിപ്പിക്കാറുണ്ട്. ആന്ഡ്രോയിഡിലെ സുരക്ഷാ പ്രശ്നങ്ങള് റിപ്പോര്ട്ട് ചെയ്യുകയും അവ പരിഹരിക്കാൻ സഹായിക്കുകയും ചെയ്യുന്ന സൈബര് സുരക്ഷാ രംഗത്തെ ഗവേഷകരെ അഭിനന്ദിക്കുകയാണ് ഇതിലൂടെ ഗൂഗിൾ ലക്ഷ്യമിടുന്നത്. ഈ വര്ഷം ലോകത്തെ 62 രാജ്യങ്ങളില് നിന്നുള്ള 696 ഗവേഷകര്ക്ക് 8.7 മില്യണ് ഡോളറാണ് ഗൂഗിൾ റിവാർഡായി നല്കിയത്. ബഗ്സ്മിററിന്റെ (Bugsmirror) സിഇഒയും സ്ഥാപകനും ഇന്ത്യക്കാരനുമായ അമന് പാണ്ഡെ (Aman Pandey) കഴിഞ്ഞ വര്ഷം മാത്രം 232 സുരക്ഷാ പ്രശ്നങ്ങള് കണ്ടെത്തി സമര്പ്പിച്ചു കൊണ്ട് മികച്ച ഗവേഷകനുള്ള ബഹുമതി നേടി.
"2019ല് ആദ്യ റിപ്പോര്ട്ട് സമര്പ്പിച്ചതു മുതല് ആന്ഡ്രോയിഡ് വിആര്പിയില് 280ലധികം സാധുവായ സുരക്ഷാ പ്രശ്നങ്ങള് അമന് റിപ്പോര്ട്ട് ചെയ്തിട്ടുണ്ട്, ഞങ്ങളുടെ പ്രോഗ്രാം വിജയകരമാക്കുന്നതില് അമന്റെ പങ്ക് നിർണായകമാണ്'', വള്നറബിലിറ്റി റിവാര്ഡ് ടീമിന്റെ റിപ്പോര്ട്ടില് പരാമര്ശിക്കുന്നു. ഗൂഗിളിന്റെ റിവാർഡ് പ്രോഗ്രാമിന്റെ ഭാഗമായതു മുതല് പാണ്ഡെ തന്റെ പ്രയത്നങ്ങൾക്ക് നല്ലൊരു തുക പ്രതിഫലം വാങ്ങിയിട്ടുണ്ടാകും. ആപ്പിള്, ഗൂഗിള്, ഫേസ്ബുക്ക് തുടങ്ങിയ ടെക്നോളജി ഭീമന്മാരില് നിന്ന് ഇത്തരത്തിൽ പ്രതിഫലം നേടിയ നിരവധി ഇന്ത്യന് ടെക്കികളില് ഒരാളാണ് പാണ്ഡെ.
advertisement
Also Read- Tecno Pova 5G | ടെക്നോ പോവ 5ജി വാങ്ങിയാൽ 1999 രൂപ വിലയുള്ള പവർ ബാങ്ക് സൗജന്യം; ആമസോണിലെ ഓഫർ അറിയാം
ലോകത്തിന്റെ മിക്ക ഭാഗങ്ങളിലും ഇത്തരം സുരക്ഷാ പ്രശ്നങ്ങള് കണ്ടെത്തുന്നത് വളരെ ഗൗരവകരമായ ബിസിനസ്സാണ്. എന്നിരുന്നാലും ഇന്ത്യന് കമ്പനികള് അത്തരം പ്രവര്ത്തനങ്ങളോട് വ്യത്യസ്തമായ ഒരു നയമാണ് സ്വീകരിച്ചു വരുന്നത്. ചില കമ്പനികൾ എത്തിക്കൽ ഹാക്കർമാരുടെ പ്രയത്നത്തിന് പ്രതിഫലം നല്കുന്നതിന് പകരം പരാതി കൊടുത്ത ചരിത്രവുമുണ്ട്. വര്ഷങ്ങളായി ഗൂഗിള് ശക്തമായ ഒരു ബഗ് ബൗണ്ടി പ്രോഗ്രാം വികസിപ്പിച്ചെടുത്തിട്ടുണ്ട്. ആന്ഡ്രോയിഡിന്റെ സുരക്ഷ മെച്ചപ്പെടുത്തുന്നതിന് തിരശ്ശീലയ്ക്ക് പിന്നില് നടക്കുന്ന പ്രവര്ത്തനങ്ങളുടെ തെളിവാണ് ഏറ്റവും പുതിയ റിപ്പോര്ട്ട്. പാണ്ഡെയെപ്പോലുള്ള നിരവധി ഗവേഷകര് ആഗോള ബ്രാന്ഡുകളെ സുരക്ഷാ പ്രശ്നങ്ങള് പരിഹരിക്കാന് സഹായിക്കുന്ന സാഹചര്യത്തിൽ ഇന്ത്യ അത്തരം പ്രവര്ത്തനങ്ങളുടെ ഒരു പ്രധാന കേന്ദ്രമാകാനുള്ള ശ്രമത്തിലാണ്.
advertisement
2021 ല് യു-ചെങ് ലിന് എന്ന വ്യക്തി ഗൂഗിളിൽ 128 സുരക്ഷാ പ്രശ്നങ്ങള് കണ്ടെത്തി. 157,000 ഡോളറാണ് ഈ ഗവേഷകന് പ്രതിഫലമായി നേടിയത്. ഗൂഗിള് ക്രോമിന് വേണ്ടി, റോറി മക്നമര എക്കാലത്തെയും ഏറ്റവും ഉയര്ന്ന പ്രതിഫലം നേടി. അവയിലൊന്ന് 2021ല് ഒരു ക്രോം ബഗ് റിപ്പോര്ട്ട് ചെയ്തതിന് ലഭിച്ച ഏറ്റവും ഉയര്ന്ന റിവാര്ഡ് തുകയായ 45,000 ഡോളറായിരുന്നു. 18 സാധുവായ ബഗ് റിപ്പോര്ട്ടുകളോടെ 360 വള്നറബിലിറ്റി റിസര്ച്ച് ഇന്സ്റ്റിറ്റ്യൂട്ടിലെ ലീക്രാസോ ഈ വര്ഷം ഏറ്റവും കൂടുതല് അവാര്ഡ് നേടിയ ഗവേഷകനായി.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Feb 16, 2022 9:33 AM IST
മലയാളം വാർത്തകൾ/ വാർത്ത/Money/
Google | 2021ൽ കണ്ടെത്തിയത് 232 സുരക്ഷാ പാളിച്ചകൾ; ഇന്ത്യയിലെ സാങ്കേതികവിദ്യാ വിദഗ്ദ്ധന് ഗൂഗിളിന്റെ ആദരം
