പുതിയ ഫീച്ചറുമായി നെറ്റ്ഫ്ലിക്സ്; 'My Netflix' ടാബിനെ കുറിച്ച് അറിയാം

നിങ്ങള്‍ ഡൗണ്‍ലോഡ് ചെയ്തവ, കാണാന്‍ താത്പര്യമുള്ള ടിവി സീരീസുകള്‍, സിനിമകള്‍, മൈ ലിസ്റ്റില്‍ സേവ് ചെയ്ത ഷോകളും സിനിമകളും, കണ്ടുകഴിഞ്ഞ ട്രെയിലറുകള്‍, റിമൈന്‍ഡറുകള്‍, പകുതിവരെ കണ്ടുകഴിഞ്ഞ പരിപാടികള്‍, അടുത്തിടെ കണ്ട പരിപാടികള്‍ തുടങ്ങിയവയെല്ലാം മൈ നെറ്റ് ഫ്‌ളിക്‌സില്‍ കാണാന്‍ കഴിയും.

നിങ്ങള്‍ ഫോണുമായി യാത്രയിലാണെങ്കില്‍, നേരിട്ട് മൈ നെറ്റ്ഫ്‌ളിക്‌സില്‍ പോകുക. അവിടെ നിങ്ങള്‍ സേവ് ചെയ്തതോ ഡൗണ്‍ലോഡ് ചെയ്തതോ ആയ എന്തെങ്കിലുമുണ്ടെങ്കില്‍ വേഗത്തില്‍ തിരഞ്ഞെടുക്കാന്‍ കഴിയും, കമ്പനി വ്യക്തമാക്കി.

Also Read- Netflix പാസ്‌വേഡ് ഇനി ഷെയർ ചെയ്ത് കാണാനാകില്ല; ഇന്ത്യയിൽ നിയന്ത്രണം

നിലവിലുള്ള അക്കൗണ്ടിലേക്ക് പ്രൊഫൈല്‍ കൈമാറ്റം ചെയ്യാന്‍ ഉപഭോക്താക്കളെ അനുവദിക്കുന്നതിനായി പ്രൊഫൈല്‍ ട്രാന്‍സ്ഫര്‍ ഫീച്ചര്‍ ഈ മാസമാദ്യം കമ്പനി പുതുക്കിയിരുന്നു. ഉപഭോക്താക്കളുടെ വ്യൂവിങ് ഹിസ്റ്ററി, മൈ ലിസ്റ്റ്, സേവ് ചെയ്ത ഗെയിമുകള്‍ തുടങ്ങിയവയെല്ലാം ഈ ഫീച്ചറിലൂടെ മറ്റ് അക്കൗണ്ടുകളിലേക്ക് കൈമാറ്റം ചെയ്യാന്‍ കഴിയും.

കൂടാതെ പാസ് വേഡ് ഷെയറിങ് നിയന്ത്രണം ഇന്ത്യയിലും നടപ്പാക്കുകയാണെന്ന് കഴിഞ്ഞ ദിവസം കമ്പനി അറിയിച്ചിരുന്നു. നെറ്റ്ഫ്‌ളിക്‌സ് വരിക്കാരായ വ്യക്തിക്ക് പുറമെ, അയാളുടെ വീട്ടിലുള്ളവര്‍ക്ക് മാത്രം പാസ് വേഡ് പങ്കുവയ്ക്കാന്‍ സാധിക്കുന്ന വിധത്തിലാണ് ഈ പരിഷ്‌കാരം വരുത്തിയിരിക്കുന്നത്.

2023 ജൂലൈ 20 മുതൽ ഇന്ത്യ, ഇന്തോനേഷ്യ, ക്രൊയേഷ്യ, കെനിയ തുടങ്ങിയ വിപണികളിൽ അക്കൗണ്ട് പങ്കിടലിനെതിരെ നടപടികൾ ആരംഭിക്കുമെന്ന് നേരത്തെ തന്നെ റിപ്പോർട്ടുകൾ ഉണ്ടായിരുന്നു. കമ്പനി തങ്ങളുടെ വരുമാനം വർദ്ധിപ്പിക്കുന്നതിന്റെ ഭാഗമായാണ് ഇത്തരമൊരു നടപടിയിലേക്ക് കടന്നതെന്നാണ് വിലയിരുത്തൽ.ഉപഭോക്താക്കൾക്ക് തങ്ങൾക്കൊപ്പം താമസിക്കാത്ത ആളുകളുമായി അവരുടെ നെറ്റ്ഫ്ലിക്സ് അക്കൗണ്ട് പങ്കിടുന്നത് തുടരണമെങ്കിൽ അധിക നിരക്ക് നൽകാനുള്ള ഓപ്ഷനും ലഭ്യമാണ്.ഈ വർഷം മെയ് മാസത്തിൽ അമേരിക്ക, ബ്രിട്ടൻ, ഫ്രാൻസ്, ജർമ്മനി, ഓസ്ട്രേലിയ, സിംഗപ്പൂർ, മെക്സിക്കോ, ബ്രസീൽ തുടങ്ങിയ പ്രമുഖ വിപണികൾ ഉൾപ്പെടെ നൂറിലധികം രാജ്യങ്ങളിൽ നെറ്റ്ഫ്ലിക്സ് പാസ്വേർഡ് പങ്കിടലിന് നിയന്ത്രണങ്ങൾ ഏർപ്പെടുത്തിയിരുന്നു.

പണം അടച്ചുകൊണ്ട് കൂടുതൽ പേർക്ക് ഷെയറിങ് നടത്തുന്നതിനുള്ള സംവിധാനം മേയില്‍ 100 രാജ്യങ്ങളില്‍ നെറ്റ്ഫ്‌ളിക്‌സ് അവതരിപ്പിച്ചിരുന്നു. കമ്പനിയുടെ ആകെ വരുമാനത്തിന്റെ 80 ശതമാനത്തോളം വരുമിത്.