ഈ ആഴ്ച്ച പുറത്തിറക്കുന്ന സ്മാർട്ട് ഫോണുകൾ; വൺപ്ലസ് മുതൽ പോക്കോ വരെയുള്ള ബ്രാൻഡുകളെക്കുറിച്ച് അറിയാം

ഏറ്റവും താങ്ങാനാവുന്ന വൺപ്ലസ് സ്മാർട്ട്‌ഫോൺ വൺപ്ലസ് നോർഡ് ജൂൺ 10 ന് ഒരു പിൻഗാമിയെ ലഭിക്കാൻ ഒരുങ്ങുന്നു. വൺപ്ലസ് നോർഡ് സിഇ 5 ജി എന്നാണ് പുതിയ ഫോണിന്റെ പേര്. ഇവിടെ സിഇ എന്നത് കോർ എഡിഷന്റെ ചുരുക്കപ്പേരാണ്. മീഡിയടെക് ഡൈമെൻസിറ്റി 1200 ചിപ്‌സെറ്റിലാണ് ഈ സ്മാർട്ട്‌ഫോൺ പ്രവർത്തിക്കുന്നതെന്നാണ് വിവരം.

Also Read കേരളത്തിൽ പെട്രോൾ വില സെഞ്ചുറി കടന്നു; വയനാട്ടിലെ പമ്പിൽ ലിറ്ററിന് 100. 24 പൈസ

യു സീരീസിന് കീഴിൽ ഒരു ടിവി ഈ ആഴ്ച്ച പുറത്തിറക്കുമെന്നും വൺപ്ലസ് അറിയിച്ചു. ജൂൺ 10നാണ് പുതിയ ടിവി വൺപ്ലസ് യു 1 എസ് എന്ന് വിളിക്കുന്ന ടിവി കമ്പനിയുടെ മിഡ് റേഞ്ച് ടിവി സീരീസിൽ പുറത്തിറക്കുന്നത്. വൺപ്ലസ് യു 1 എസ് ടിവി മൂന്ന് ഡിസ്പ്ലേ സൈസിൽ ലഭിക്കും. 50 ഇഞ്ച്, 55 ഇഞ്ച്, 65 ഇഞ്ച് എന്നിങ്ങനെയാണ് ഡിസ്പ്ലേ സൈസ്. 4 കെ റെസല്യൂഷൻ, എച്ച്ഡിആർ 10+ സപ്പോർട്ട്, 30 ഡബ്ല്യു സ്പീക്കറുകൾ എന്നിവയാണ് ഈ ടിവിയുടെ പ്രത്യേകതകൾ

ഐക്യൂവിന്റെ iQoo Z3 5G ജൂൺ 8 ന് ഇന്ത്യയിൽ വിപണിയിലെത്തും. ഈ വർഷം മാർച്ചിൽ ചൈനയിൽ വിപണിയിലെത്തിയ ഐക്യൂ Z3 സ്മാർട്ട്‌ഫോൺ ഇന്ത്യൻ വേരിയന്റിലും മിക്ക സവിശേഷതകളും നിലനിർത്തുമെന്നാണ് പ്രതീക്ഷിക്കുന്നത്.

Also Read വിമാനയാത്ര 'സൂപ്പർസോണിക്' ആകുന്നു; 15 വിമാനങ്ങൾ വാങ്ങാനൊരുങ്ങി യുണൈറ്റഡ് എയർലൈൻസ്

പോക്കോ എം 3 പ്രോയും ജൂൺ 8 ന് വിപണിയിലെത്തും. പോക്കോ എം 3 പ്രോ ഫ്ലിപ്പ്കാർട്ട് വഴി ലഭ്യമാകുമെന്നും കമ്പനി സ്ഥിരീകരിച്ചു. പോക്കോ എം 3 പ്രോ കഴിഞ്ഞ മാസം യൂറോപ്പിൽ ഒരു മിഡ് റേഞ്ച് സ്മാർട്ട്‌ഫോണായി അവതരിപ്പിച്ചിരുന്നു. ലോഞ്ച് സമയത്ത് മാത്രമെ പോക്കോ എം 3 പ്രോ 5 ജി യുടെ ഇന്ത്യയിലെ വില ഔദ്യോഗികമായി പ്രഖ്യാപിക്കുകയുള്ളൂ. ഏകദേശം 14,000 രൂപയോളം വില വരുമെന്നാണ് പ്രതീക്ഷിക്കുന്നത്. പോക്കോ എം 3 പ്രോ 5 ജി യുടെ ഇന്ത്യൻ വേരിയന്റിലെ മിക്ക സവിശേഷതകളും ആഗോള വേരിയന്റിന് സമാനമായിരിക്കും.

നോട്ട് 10 സീരീസ് ആരംഭിക്കുന്നതോടെ ഇൻഫിനിക്സ് സ്മാർട്ട്‌ഫോൺ ഇന്ത്യയിൽ കൂടുതൽ വിപുലീകരിക്കാനുള്ള ഒരുക്കത്തിലാണ്. ഇൻഫിനിക്സ് നോട്ട് 10 സീരീസ് ഇന്ന് (ജൂൺ 7ന്) പുറത്തിറക്കും. കഴിഞ്ഞ മാസവും കമ്പനി ഈ സീരീസ് പുറത്തിറക്കിയിരുന്നു. അന്ന് രണ്ട് സ്മാർട്ട്‌ഫോണുകളാണ് പുറത്തിറക്കിയത്. ഇൻഫിനിക്സ് നോട്ട് 10, ഇൻഫിനിക്സ് നോട്ട് 10 പ്രോ എന്നിവ.