ടൈറ്റൻ നിയന്ത്രിക്കാനുപയോഗിച്ച കൺട്രോളർ ആരും വാങ്ങരുത്; ലോജിടെക്ക് ഗെയിം കൺട്രോളറിന് നെഗറ്റീവ് റിവ്യൂകളുമായി ഉപയോക്താക്കൾ

കംപ്യൂട്ടർ ഗെയിമുകൾക്കായി രൂപകല്പന ചെയ്തിട്ടുള്ള കൺട്രോളറാണ് ലോജിടെക്കിന്റെ എഫ്710 ഗെയിംപാഡ്. മുപ്പതു ഡോളർ മാത്രം വിലയുള്ള ഈ കൺട്രോളറിൽ ചില മാറ്റങ്ങൾ വരുത്തിയാണ് രണ്ടര ലക്ഷം ഡോളർ വിലമതിക്കുന്ന ടൈറ്റൻ അന്തർവാഹിനിയെ നിയന്ത്രിക്കാനുള്ള രൂപത്തിലേക്ക് എത്തിച്ചത്. 2010ൽ വിൽപനയ്‌ക്കെത്തിയ ഈ വയർലെസ് ഗെയിംപാഡിന്, പ്രൊഫഷണൽ അന്തർവാഹിനികളെ നിയന്ത്രിക്കാനാവശ്യമായ നിലവാരമില്ലെന്നാണ് പറയപ്പെടുന്നത്. മറ്റു പല പ്രധാന ഘടകങ്ങൾക്കുമൊപ്പം, അന്തർവാഹിനിയുടെ രൂപകല്പനയിൽ വന്നിട്ടുള്ള പിഴവുകളും, കൂടാതെ ഗതിനിയന്ത്രണത്തിന് ഉപയോഗിച്ചിരിക്കുന്ന ഈ കൺട്രോളറിന്റെ അപര്യാപ്തതയുമാണ് അപകടത്തിന് കാരണമായിരിക്കുന്നതെന്നും വിലയിരുത്തപ്പെടുന്നുണ്ട്.

ടൈറ്റന്റെ നാവികനും ഓഷ്യൻ ഗേറ്റ് സിഇഒയുമായ സ്‌റ്റോക്ടൺ റഷിന്റെ ചിത്രമടക്കം പങ്കുവച്ചുകൊണ്ടാണ് മറ്റൊരു റിവ്യൂ. ‘ഞാൻ എന്റെ അന്തർവാഹിനിയെ നിയന്ത്രിക്കാൻ ഈ കൺട്രോളർ ഉപയോഗിച്ചിരുന്നു. അതുകാരണം, എന്റെ ബിസിനസ് പാടെ നശിച്ചു. റിസീവറിന് കണക്ഷൻ നഷ്ടപ്പെട്ടതു കാരണം എനിക്കെന്റെ സഹയാത്രികരെ മുഴുവൻ നഷ്ടപ്പെട്ടു. സാമ്പത്തികമായി ബാധിക്കപ്പെട്ടവരുടെ കുടുംബങ്ങൾ ഇപ്പോൾ എനിക്കെതിരെ നിയമപരമായി മുന്നോട്ടു നീങ്ങിയിരിക്കുകയാണ്. ഈ കൺട്രോളർ ഞാൻ ആർക്കും ശുപാർശ ചെയ്യില്ല.’ റഷ് നേരിട്ട് നൽകുന്ന തരത്തിലുള്ള റിവ്യൂ ഇങ്ങനെ പോകുന്നു.

‘വീഡിയോ ഗെയിമുകൾക്ക് കൊള്ളാം, ചെറു അന്തർവാഹിനികൾക്ക് ഇത് ചേരില്ല.’ എന്നാണ് മറ്റൊരു പ്രതികരണം. കൺട്രോളറിന്റെ റേറ്റിംഗും ആമസോണിൽ കുത്തനെ കുറഞ്ഞിട്ടുണ്ട്.