Jio| ജിയോയ്ക്ക് കേരളത്തിൽ 5 ലക്ഷം ഹോം ബ്രോഡ്ബാൻഡ് ഉപഭോക്താക്കൾ

ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI) പുറത്തിറക്കിയ 2025 ജൂലൈ മാസത്തെ ഏറ്റവും പുതിയ റിപ്പോർട്ട് പ്രകാരം, 2025 ജൂലൈ 31 വരെ കേരളത്തിൽ ജിയോയ്ക്ക് 1.31 ലക്ഷം 5G ഫിക്സഡ് വയർലെസ് ആക്സസ് (FWA) ഉപഭോക്താക്കളുണ്ട്. ഈ വിഭാഗത്തിൽ ജിയോയ്ക്ക് 79 ശതമാനത്തിന്റെ വിപണി വിഹിതമുണ്ട്. തൊട്ടു പിന്നിലുള്ള സേവന ദാതാവിന് ഈ വിഭാഗത്തിൽ ഉള്ളത് 35,500 ഉപഭോക്താക്കൾ മാത്രമാണ്. കൂടാതെ, 3.87 ലക്ഷം ഉപഭോക്താക്കൾ ജിയോഫൈബർ, യു ബി ആർ ടെക്നോളജിയിലുള്ള എയർഫൈബർ എന്നിവ വഴി കണക്ട് ചെയ്യപ്പെട്ടിരിക്കുന്നു. ഇത് രണ്ടും ഉൾപ്പെടെയാണ് ആകെ ഹോം ബ്രോഡ്ബാൻഡ് ഉപഭോക്താക്കൾ 5 ലക്ഷം കവിഞ്ഞത്.

കേരളത്തിലെ 14 ജില്ലകളിലും, എല്ലാ നഗരങ്ങളിലും, ആയിരക്കണക്കിന് ഗ്രാമങ്ങളിലും, വിദൂര പ്രദേശങ്ങളിലും ജിയോഎയർഫൈബറും ജിയോഫൈബർ സേവനങ്ങളും ഇപ്പോൾ ലഭ്യമാണ്.

ജിയോ സെറ്റ്-ടോപ്പ് ബോക്സ് നിരവധി OTT ആപ്പുകൾ, ലൈവ് ടിവി, ഗെയിമിംഗ്, ക്ലൗഡ്-ബേസ്ഡ് വെർച്വൽ ഡെസ്ക്ടോപ്പ് ആയ ജിയോ പി സി എന്നിവയ്ക്ക് ആക്‌സസ് നൽകുന്നു. ഇവയെല്ലാം ജിയോഎയർഫൈബർ, ജിയോഫൈബർ സേവനങ്ങളിലൂടെ ലഭ്യമാക്കപ്പെടുന്നു.

ഗ്രാമീണ കേരളത്തിൽ പ്രത്യേകിച്ച് ജിയോഎയർഫൈബറിന്റെ വേഗത്തിലുള്ള വളർച്ച വിശ്വസനീയമായ ഹൈസ്പീഡ് ബ്രോഡ്ബാൻഡ് ഇന്റർനെറ്റിനുള്ള ഉയർന്ന ആവശ്യകത തെളിയിക്കുന്നു. പരമ്പരാഗത ഫൈബർ-ടു-ദ-ഹോം (FTTH) വിന്യാസങ്ങൾ പ്രയാസമുള്ളിടത്ത് വയർലെസ് ബ്രോഡ്ബാൻഡ് വഴി അവസാന മൈൽ കണക്ടിവിറ്റി വെല്ലുവിളികൾ പരിഹരിക്കുന്നതാണ് ജിയോഎയർഫൈബർ.