സോഷ്യൽ മീഡിയ കുട്ടികളെയും കൗമാരക്കാരെയും ദോഷകരമായി ബാധിക്കും: മുന്നറിയിപ്പുമായി യുഎസ് സർജൻ ജനറൽ

കുട്ടികളുടെ സോഷ്യൽ മീഡിയ ഉപയോഗം നിയന്ത്രിക്കാൻ ഓരോ കുടുംബത്തെയും സഹായിക്കുന്നതിനുള്ള പ്രായോഗിക നിർദേശങ്ങളും റിപ്പോർട്ടിൽ ഉൾപ്പെടുത്തിയിട്ടുണ്ട്. ഇതിനായി സാമൂഹിക ബന്ധങ്ങൾ കെട്ടിപ്പടുക്കാനും മറ്റുള്ളവരുമായുള്ള ആശയവിനിമയം പ്രോത്സാഹിപ്പിക്കാനും ഒന്നിച്ചിരുന്ന് ഭക്ഷണം കഴിക്കാനും ഒത്തുചേരലുകൾ പ്രോത്സാഹിപ്പിക്കാനുമാണ് സർജൻ ജനറൽ ശുപാർശ ചെയ്യുന്നത്. ഓരോ കുടുംബങ്ങളും ഒരു സോഷ്യൽ മീഡിയ പ്ലാൻ തയ്യാറാക്കുന്നത് നന്നായിരിക്കും എന്നും വ്യക്തിപരമായി വിവരങ്ങൾ സ്വകാര്യമായി സൂക്ഷിക്കണമെന്നും അദ്ദേഹം അഭിപ്രായപ്പെട്ടു.

Also Read- WhatsApp ഉപയോക്താക്കള്‍ക്ക് സന്തോഷവാര്‍ത്ത; അയച്ച മെസേജുകള്‍ ഇനി വീണ്ടും എഡിറ്റ് ചെയ്യാം

സോഷ്യൽ മീഡിയയിലൂടെ മറ്റുള്ളവരുമായി ബന്ധപ്പെടാനാകുന്നതും സ്വയം പ്രകടിപ്പിക്കാനാകുന്നതുമൊക്കെ നല്ല കാര്യങ്ങളാണെന്നും ഈ അർത്ഥത്തിൽ നിരവധി യുവാക്കൾ അതിനെ പ്രയോജനപ്പെടുത്തുന്നുണ്ട് എന്നും അദ്ദേഹം കൂട്ടിച്ചേർത്തു.

Also Read- ChatGPT കോച്ചിംഗ് സെന്ററുകള്‍ക്കും എഡ്ടെക് സ്ഥാപനങ്ങള്‍ക്കും വെല്ലുവിളിയാകുമോ?

“ഒരാളുടെ വ്യക്തിത്വത്തിൽ പല മാറ്റങ്ങളും സംഭവിക്കുന്ന കാലഘട്ടമാണ് കൗമാരത്തിന്റെ തുടക്കസമയം. ഒരാളുടെ വ്യക്തിത്വവും ആത്മാഭിമാനവുമെല്ലാം ഈ സമയത്താണ് കൂടുതലായും രൂപപ്പെടുന്നത്. ഈ സമയത്ത് സോഷ്യൽ മീഡിയ വഴിയും യുവാക്കൾ പല തരത്തിലുള്ള സാമൂഹിക സമ്മർദങ്ങൾക്കും സമപ്രായക്കാരുടെ അഭിപ്രായങ്ങൾക്കും താരതമ്യങ്ങൾക്കും ഇടയിൽ പെട്ട് വളരെയധികം ബുദ്ധിമുട്ടുന്നു”, എന്നും ഡോ. വിവേക് ​​മൂർത്തി പറഞ്ഞു. ഉപയോക്താക്കളെ ഓൺലൈനിൽ നിലനിർത്തുക എന്ന കാര്യത്തിൽ സോഷ്യൽ മീഡിയ കമ്പനികൾക്ക് നിക്ഷിപ്ത താത്പര്യങ്ങൾ ഉണ്ടെന്നും അതിനായി ആളുകളെ പ്രേരിപ്പിക്കുന്ന തരത്തിലുള്ള തന്ത്രങ്ങളാണ് അവർ ഉപയോഗിക്കുന്നതെന്നും അദ്ദേഹം ചൂണ്ടിക്കാട്ടി.