ഫോൺ നമ്പരിന് പകരം ഉപയോക്താവിന്റെ പേര്; വാട്ട്സ്ആപ്പിലെ പുത്തൻ അപ്ഡേറ്റ്

മെറ്റയുടെ ഉടമസ്ഥതയിലുള്ള വാട്ട്‌സ്ആപ്പ് ഒരു പുതിയ അപ്‌ഡേറ്റുമായി വരുന്നതായി റിപ്പോർട്ട്. ഉപയോക്താക്കൾക്ക് അവരുടെ അക്കൗണ്ടുകളിൽ അവർക്ക് ഇഷ്ട്ടമുള്ള ഉപയോക്തൃ നാമങ്ങൾ അഥവാ യൂസർ നെയിം തിരഞ്ഞെടുക്കാൻ അവസരമൊരുങ്ങുന്നതായാണ് റിപ്പോർട്ടുകൾ നൽകുന്ന സൂചന. നിലവിൽ വികസിപ്പിച്ചുകൊണ്ടിരിക്കുന്ന ഈ ഫീച്ചർ ഭാവി അപ്‌ഡേറ്റിൽ അവതരിപ്പിക്കുമെന്നാണ് പ്രതീക്ഷിക്കുന്നത് എന്ന് WABetaInfo എന്ന പോർട്ടൽ റിപ്പോർട്ട് ചെയ്യുന്നു. WABetaInfo പങ്കിട്ട ഒരു സ്‌ക്രീൻഷോട്ടിൽ ആപ്പിന്റെ സെറ്റിങ്സിൽ യൂസർ നെയിം ചേർക്കാനുള്ള ഓപ്‌ഷൻ ഉള്ളതായാണ് വിവരം. ഉപയോക്താക്കൾക്ക് വാട്ട്‌സ്ആപ്പിന്റെ സെറ്റിംഗ്സ് മെനുവിലൂടെ ഈ സേവനം ഉപയോഗിക്കാൻ കഴിയും.