YouTube | ആൾക്കാരെ കൂട്ടുന്നതിനായി തെറ്റിദ്ധരിപ്പിക്കുന്ന തലക്കെട്ടുകൾ ഇനിമുതൽ യൂട്യൂബിൽ വേണ്ട

കാഴ്ചക്കാരെ ആകർഷിക്കുന്നതിനായി ആകർഷമായ തലക്കെട്ടുകൾ നൽകുന്നതിനെയാണ് ക്ലിക്ക്ബെയ്റ്റ് എന്നു പറയുന്നത്. ചെറിയ ചിത്രങ്ങളോടൊപ്പമാമ് ഇത്തരത്തിലെ തലക്കെട്ടുകൾ നൽകുന്നത്. പലപ്പോഴും വീഡിയോയിൽ പറയുന്നത് എന്താണെന്ന് വ്യക്തമാക്കാതെ, സംവേദനാത്മകമോ കൗതുകകരമോ ആയ എന്തെങ്കിലും വാഗ്‌ദാനം ചെയ്‌ത് തലക്കെട്ടുകൾ നൽകുന്നത് ഉപഭോക്താക്കളെ ചൂഷണം ചെയ്യുന്നതിന് തുല്യമാണ്.

യൂട്യൂബ് ചാനലിൽ വീഡിയോകൾ കാണാനാഗ്രഹിച്ച് വരുന്നവർക്ക് അതേ ഉള്ളടക്കം തന്നെ ലഭ്യമാകുന്നുവെന്ന് ഉറപ്പാക്കണമെന്നാണ് യൂട്യൂബ് പറയുന്നത്. ബ്രേക്കിംഗ് ന്യൂസും സമകാലിക സംഭവങ്ങളുമായി ബന്ധപ്പെട്ട വിഷയങ്ങളുടെ യൂട്യൂബ് വീഡിയോകളും ഈ സ്‌കാനറിന് കീഴിൽ വരുമെന്നും പ്ലാറ്റ്ഫോം അറിയിച്ചു. വരും മാസങ്ങളിൽ വീഡിയോ നീക്കം ചെയ്യുന്ന നിയമം ഇന്ത്യയിൽ നിയമത്തിൽ വരുമെന്നാണ് യൂട്യൂബ് ബ്ലോ​ഗ് പോസ്റ്റിൽ അറിയിച്ചിരിക്കുന്നത്.

യൂട്യൂബിന്റെ വിശ്വാസ്യത മെച്ചപ്പെടുത്തുന്നതിനുള്ള വിപുലമായ ശ്രമങ്ങളുടെ ഭാഗമായാണ് ഈ നീക്കം. പ്രത്യേകിച്ചും വാർത്താ സംബന്ധിയായ ഉള്ളടക്കത്തിൻ്റെ കാര്യത്തിൽ. YouTube ഹൈലൈറ്റ് ചെയ്‌തതുപോലെ, പ്രധാനപ്പെട്ട അപ്‌ഡേറ്റുകൾക്കോ ​​വിശ്വസനീയമായ വിവരങ്ങൾക്കോ ​​വേണ്ടി ഉപയോക്താക്കൾ പ്ലാറ്റ്‌ഫോമിലേക്ക് തിരിയുമ്പോൾ തെറ്റിദ്ധരിപ്പിക്കുന്നത്  ദോഷകരമാണ്. ഉപഭോക്താക്കൾ തെറ്റിദ്ധരിക്കപ്പെടാതിരിക്കാനാണ് പുതിയ നിയമം.

ഈ പുതിയ നിയമത്തെ ഉദാഹരണസഹിതമാണ് ബ്ലോ​ഗ് പോസ്റ്റിൽ വിശദീകരിച്ചിരിക്കുന്നത്. ഉദാഹരണമായി 'പ്രസിഡന്റ് രാജി വച്ചു' എന്ന തലക്കെട്ടുള്ള വീഡിയോ ഉദാഹരണമായി എടുത്താൽ, വിഡിയോയ്ക്കകത്ത് പ്രസിഡന്റിന്റെ രാജിയെക്കുറിച്ച് ഒരു പരാമർശവുമില്ലെങ്കിൽ നടപടി സ്വീകരിക്കും. 'സുപ്രധാന രാഷ്ട്രീയ വാർത്തകൾ' എന്ന തമ്പ്‌നെയിൽ നൽകിയ വിഡിയോയ്ക്കകത്ത് അത്തരത്തിലുള്ള ഒരു വിവരവുമില്ലാതെ പോകുന്നത് മറ്റൊരു ഉദാഹരണമായും പറയുന്നുണ്ട്.