വായ്പകൾ ഒറ്റത്തവണയായി അടച്ചു തീർക്കുമ്പോൾ ശ്രദ്ധിക്കേണ്ട കാര്യങ്ങൾ; ക്രെഡിറ്റ് സ്കോറിനെ ബാധിക്കുമോ?

ഒരു വീട് വാങ്ങാനോ, കാർ വാങ്ങാനോ, ഉന്നത വിദ്യാഭ്യാസത്തിനായോ, ഒരു ബിസിനസ് തുടങ്ങാനോ വിപുലീകരിക്കാനോ അല്ലെങ്കിൽ അപ്രതീക്ഷിത ചെലവുകൾ വഹിക്കാനോ തുടങ്ങി പല ആവശ്യങ്ങൾക്കായും പലരും വായ്പ എടുക്കാറുണ്ട്. നല്ല ക്രെഡിറ്റ് സ്കോർ നിലനിർത്തുന്നതിന് ഏറെ ശ്രദ്ധിച്ച് വായ്പയെടുക്കുകയും അത് കൃത്യമായി തിരിച്ചടക്കുകയും വേണം. എങ്കിലും, വലിയ സാമ്പത്തിക സമ്മർദ്ദം, ആരോ​ഗ്യ പ്രശ്നങ്ങൾ, കുറഞ്ഞ വരുമാനം എന്നിങ്ങനെയുള്ള പ്രശ്നങ്ങൾ മൂലം പലർക്കും വായ്പകൾ കൃത്യസമയത്ത് തിരിച്ചടക്കാൻ കഴിയണമെന്നും ഇല്ല. അത്തരം സാഹചര്യങ്ങളിൽ, ഒറ്റത്തവണ തീർപ്പാക്കൽ (one-time settlement) ഓപ്ഷൻ തിരഞ്ഞെടുക്കുന്നത് ഒരു പ്രായോഗിക സമീപനമാണ്. ഇതും വളരെ ശ്രദ്ധയോടെ ചെയ്യേണ്ട കാര്യമാണ്. സുരക്ഷിതവായ്പകളും (Secured Loans) സുരക്ഷിതമല്ലാത്തതുമായ വായ്പകളും (Unsecured Loans) ഒറ്റത്തവണ തീർപ്പാക്കുമ്പോൾ ശ്രദ്ധിക്കേണ്ട കാര്യങ്ങൾ എന്തെല്ലാമാണെന്നു നോക്കാം. അതിന് ആദ്യം എന്താണീ സുരക്ഷിതവായ്പകളും സുരക്ഷിതമല്ലാത്തതുമായ വായ്പകകളും എന്ന് അറിയേണ്ടതുണ്ട്.