മലയാളി കാമുകനെ തേടി ആൺവേഷത്തിൽ യുവതി മലപ്പുറത്ത്; അരങ്ങേറിയത് നാടകീയ സംഭവങ്ങൾ

മലപ്പുറം: മലയാളിയായ കാമുകനെ തേടി ഹൈദരാബാദ് സ്വദേശിനി ആൺവേഷത്തിൽ മലപ്പുറം വേങ്ങരയിലെത്തി. വെള്ളിയാഴ്ച വൈകിട്ട് ആറരയോടെയാണ് വേങ്ങര കുറ്റൂർ പാക്കടപ്പുറയിൽ യുവതി എത്തിയത്. എന്നാൽ കാമുകന്‍റെ ബന്ധുക്കൾ യുവതിയെ വീട്ടിൽനിന്ന് ആട്ടിയിറക്കി ഗേറ്റ് അകത്തുനിന്ന് പൂട്ടുകയും ചെയ്തു. ഇരുകൂട്ടരും തമ്മിലുള്ള വാഗ്വാദം കേട്ട് നാട്ടുകാരും ഓടിക്കൂടി. ഗേറ്റിന് പുറത്തായ യുവതി തൊട്ടടുത്തുള്ള വീട്ടിൽ അഭയം തേടി. തന്നെ യുവാവ് വിവാഹം കഴിച്ചെന്നാണ് നാട്ടുകാരോട് യുവതി പറഞ്ഞത്. നേരത്തെ യുവാവിന്‍റെ വീട്ടിൽവന്ന് താമസിച്ചിട്ടുണ്ടെന്നും യുവതി പറഞ്ഞു.