അയോധ്യ പ്രാണപ്രതിഷ്ഠ: അമേരിക്കയിലെ സിൻസിനാറ്റിയിൽ നടന്ന 'രാമക്ഷേത്ര കാർ യാത്ര'യിൽ പങ്കെടുത്തത് ആയിരത്തോളം ഭക്തർ

ജനുവരി 22 ന് നടക്കാനിരിക്കുന്ന ശ്രീരാമക്ഷേത്ര പ്രാണപ്രതിഷ്ഠാ ചടങ്ങിന് മുന്നോടിയായി അമേരിക്കയിൽ നടന്ന “കാർ യാത്രയിൽ” (Car Yata) പങ്കെടുത്തത് 900ൽ അധികം ആളുകൾ. ഓഹിയോയിലെ സിൻസിനാറ്റിയിലാണ് ഒരു കൂട്ടം ഹിന്ദു മത വിശ്വാസികൾ റാലി സംഘടിപ്പിച്ചത്. കാവിക്കൊടി നാട്ടിയ കാറുകളുടെ ഒരു നീണ്ട നിര ഗ്രേറ്റർ സിൻസിനാറ്റിയിലെ ഹിന്ദു ക്ഷേത്രത്തിൽ നിന്നും ശ്രീ സായി ബാബ ക്ഷേത്രത്തിലേക്ക് പോകുന്ന വീഡിയോ റാലിയിൽ പങ്കെടുത്ത നിതീഷ് സോണി എന്ന വ്യക്തി തന്റെ സമൂഹ മാധ്യമ അക്കൗണ്ടുകൾ വഴി പങ്കുവച്ചു. ഹനുമാന്റെയും മറ്റും വേഷം ധരിച്ച ആളുകൾ റോഡിൽ നൃത്തം വയ്ക്കുന്നതും വീഡിയോയിൽ കാണാം. ഏകദേശം 300 ഓളം കാറുകൾ ഈ റാലിയിൽ പങ്കെടുത്തുവെന്നാണ് വിവരം. 4.3 മില്യൺ ആളുകൾ കണ്ട വീഡിയോ സമൂഹിക മാധ്യമങ്ങളിൽ വൈറലാണ്.