ഇന്നലെ പോസിറ്റീവ്, ഇന്ന് നെഗറ്റീവ്; COVID 19 പരിശോധനാഫലം നെഗറ്റീവെന്ന് പാക് താരം മുഹമ്മദ് ഹഫീസ്

Published by:Naseeba TC
news18-malayalam

Last Updated:Jun 24, 2020 2:05 PM IST

തിങ്കളാഴ്ച്ചയാണ് പിസിബി ടീമിലെ 35 കളിക്കാർക്കും പരിശോധന നടത്തിയത്. ഇതിൽ പത്ത് താരങ്ങൾക്ക് കോവിഡ് 19 സ്ഥിരീകരിക്കുകയായിരുന്നു.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

കഴിഞ്ഞ ദിവസം കോവിഡ‍് 19 പോസിറ്റീവ് സ്ഥിരീകരിച്ച പാക് ക്രിക്കറ്റ് താരം മുഹമ്മദ് ഹഫീസിന്റെ പുതിയ പരിശോധനാഫലം പുറത്തു വന്നു. കോവിഡ് നെഗറ്റീവാണ് പുതിയ പരിശോധനാഫലം.

കഴിഞ്ഞ ദിവസമാണ് ഹഫീസ് അടക്കം ഏഴ് താരങ്ങൾക്കുകൂടി കോവിഡ‍് 19 പോസിറ്റീവാണെന്ന് പാക് ക്രിക്കറ്റ് ബോർഡ് അറിയിച്ചത്. 29 അംഗ ടീമിലെ പത്ത് താരങ്ങൾക്ക് കോവിഡ് ബാധിച്ചെന്നായിരുന്നു ക്രിക്കറ്റ് ബോർഡ് അറിയിച്ചത്.

പുതിയ പരിശോധനാഫലം ഹഫീസ് ട്വിറ്ററിൽ പങ്കുവെച്ചിട്ടുണ്ട്. പിസിബിയുടെ പരിശോധനാഫലത്തിന് പിന്നാലെ ഹാഫിസും കുടുംബാംഗങ്ങളും പരിശോധന നടത്തുകയായിരുന്നു. ഇതിൽ എല്ലാവരുടേയും ഫലം നെഗറ്റീവാണ്.

TRENDING:അമ്മയുടെ ശരീരത്തിലെ കുട്ടികളുടെ ചിത്രം; ഭാവിയിൽ ലൈംഗീക അരാജകത്വം ഉൾപ്പെടെ സാധ്യതയെന്ന് മനോരോഗ വിദഗ്ധൻ [NEWS]മുഹമ്മദ് ഹഫീസ് അടക്കം പത്ത് പാക് താരങ്ങൾക്ക് COVID 19; ഇംഗ്ലണ്ട് പര്യടനം അനിശ്ചത്വത്തിൽ [NEWS]Rehana Fathima Viral Video | രഹന ഫാത്തിമയ്ക്കെതിരെ പോക്സോ കേസെടുക്കുമോ? പൊലീസ് -നിയമ വൃത്തങ്ങൾക്കിടയിൽ ചർച്ച സജീവം [NEWS]

സെക്കന്റ് ഒപ്പീനിയൻ എന്ന നിലയ്ക്കും ആത്മ സംതൃപ്തിക്കും വേണ്ടിയാണ് താൻ സ്വന്തം നിലയ്ക്ക് വീണ്ടും പരിശോധന നടത്തിയതെന്ന് ഹഫീസ് ട്വിറ്ററിൽ കുറിച്ചു.

After Tested positive COVID-19 acc to PCB testing Report yesterday,as 2nd opinion & for satisfaction I personally went to Test it again along with my family and here I along with my all family members are reported Negetive Alham du Lillah. May Allah keep us all safe 🤲🏼 pic.twitter.com/qy0QgUvte0

— Mohammad Hafeez (@MHafeez22) June 24, 2020

തിങ്കളാഴ്ച്ചയാണ് പിസിബി ടീമിലെ 35 കളിക്കാർക്കും പരിശോധന നടത്തിയത്. ഇതിൽ പത്ത് താരങ്ങൾക്ക് കോവിഡ് 19 സ്ഥിരീകരിക്കുകയായിരുന്നു. കോവിഡ് പോസിറ്റീവായ താരങ്ങൾക്ക് ആർക്കും ലക്ഷണങ്ങൾ പ്രകടമായിട്ടുണ്ടായിരുന്നില്ലെന്നും പിസിബി അറിയിച്ചിരുന്നു.

പാകിസ്ഥാന്റെ ഇംഗ്ലണ്ട് പര്യടനത്തിന് മുന്നോടിയായിട്ടാണ് താരങ്ങൾക്ക് കോവിഡ് പരിശോധന നടത്തിയത്. ഈ മാസം 28ന് ടീം ഇംഗ്ലണ്ടിലേക്ക് തിരിക്കാനിരിക്കുകയാണ്. ഇതിനിടയിലാണ് കോവിഡിനെ ചൊല്ലിയുള്ള ആശയക്കുഴപ്പം.