Euro Cup | പരുക്കേറ്റ അലക്സാണ്ടർ അർനോൾഡിന് പകരം ബെൻ വൈറ്റിനെ ടീമിലെടുത്ത് ഇംഗ്ലണ്ട്

പരുക്കേറ്റ് ഇംഗ്ലണ്ട് ടീമിൽ നിന്ന് പുറത്തായ ലിവർപൂൾ താരം ട്രെന്റ് അലക്സാണ്ടർ അർണോൾഡിന് പകരക്കാരനെ കണ്ടെത്തി ഇംഗ്ലണ്ട് ടീം. ഇംഗ്ലീഷ് പ്രീമിയർ ലീഗിൽ കളിക്കുന്ന ബ്രൈറ്റന്റെ പ്രതിരോധ നിര താരമായ ബെൻ വൈറ്റിനെയാണ് ഇംഗ്ലണ്ട് തങ്ങളുടെ യൂറോ കപ്പ് ടീമിൽ ഉൾപ്പെടുത്തിയത്. കഴിഞ്ഞ ദിവസം ഓസ്ട്രിയക്കെതിരെ നടന്ന സൗഹൃദ മത്സരത്തിനിടെയാണ് ഇംഗ്ലണ്ട് താരമായ അലക്സാണ്ടർ അർണോൾഡിന് പരുക്കേറ്റത്. നേരത്തെ ഇംഗ്ലണ്ട് പരിശീലകനായ ഗാരെത് സൗത്ത്ഗേറ്റ് തിരഞ്ഞെടുത്ത 33 അംഗ പ്രാഥമിക ടീമിൽ ബെൻ വൈറ്റ് അംഗമായിരുന്നെങ്കിലും അവസാന 26 അംഗ ടീം പ്രഖ്യാപിച്ചപ്പോൾ സൂപ്പർ താരങ്ങളുടെ ബാഹുല്യമുള്ള ഇംഗ്ലണ്ട് ടീമിൽ താരത്തിന് ഇടം നേടാൻ കഴിഞ്ഞിരുന്നില്ല.