പേരാമ്പ്ര അക്രമം: മതസ്പര്ധ വളര്ത്തിയ കേസില് സിപിഎം ബ്രാഞ്ച് സെക്രട്ടറി അറസ്റ്റില്
Last Updated:
കോഴിക്കോട്: ഹര്ത്താല് ദിനത്തില് പേരാമ്പ്രയിലുണ്ടായ അക്രമസംഭവത്തില് സിപിഎം ബ്രാഞ്ച് സെക്രട്ടറി അറസ്റ്റില്. മാണിക്കോത് ബ്രാഞ്ച് സെക്രട്ടറി അതുല്ദാസാണ് അറസ്റ്റിലായത്. മതസ്പര്ധയ്ക്കെതിരായ 153 എ വകുപ്പ് പ്രകാരമാണ് അറസ്റ്റ്.
പ്രദേശത്ത് സംഘര്ഷം സൃഷ്ടിക്കാനായി അതുല് ദാസും സംഘവും മനപ്പൂര്വം പ്രശ്നങ്ങള് സൃഷ്ടിച്ചെന്നാണ് പൊലീസിന്റെ വിലയിരുത്തല്. ഹര്ത്താല് ദിവസം വൈകുന്നേരം യൂത്ത് കോണ്ഗ്രസ് പേരാമ്പ്ര ടൗണില് പ്രകടനം നടത്തിയത് സംഘര്ഷത്തില് കലാശിച്ചിരുന്നു. ഡിവൈഎഫ്ഐ പ്രവര്ത്തകര് പ്രകടനത്തെ നേരിട്ടതോടെയാണ് പ്രശ്നങ്ങള് ആരംഭിക്കുന്നത്.
Also Read: സര്ക്കാര് മതവിശ്വാസം തകര്ക്കാന് ശ്രമിക്കുന്നു: കണ്ണന്താനം
വടകര- പേരാമ്പ്ര റോഡിലായിരുന്നു ഇരുവിഭാഗവും ഏറ്റുമുട്ടിയത്. ഇതിനിടെ സമീപത്തെ ജുമാ മസ്ജിദിനും മുസ്ലീം ലീഗ് ഓഫീസിന് നേരെയും കല്ലേറും ഉണ്ടായി. സിസിടിവി ദൃശ്യങ്ങള് പരിശോധിച്ചതിന്റെയും സാക്ഷി മൊഴികളുടെയും അടിസ്ഥാനത്തിലാണ് പൊലീസ് കേസ്.
advertisement
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
January 06, 2019 1:29 PM IST
മലയാളം വാർത്തകൾ/ വാർത്ത/Crime/
പേരാമ്പ്ര അക്രമം: മതസ്പര്ധ വളര്ത്തിയ കേസില് സിപിഎം ബ്രാഞ്ച് സെക്രട്ടറി അറസ്റ്റില്
